Zomin tumanida "Favqulodda vaziyatlardan muhofaza qilish va fuqaro muhofazasi oyligi" tadbirlari davom etmoqda
2025-04-04 13:45:00 / Yangiliklar
2025-yil bahor mavsumida Zomin tumanida "Favqulodda vaziyatlardan muhofaza qilish va fuqaro muhofazasi oyligi" tadbiri boshlandi. Tuman hokimining 15 martdagi №01-544 sonli yig‘ilish bayoniga asosan, 15 martdan 15 aprelgacha davom etadigan tadbir doirasida, Zomin tumanining mahallalarida profilaktik tadbirlar o‘tkazilmoqda.
Ushbu tadbirning asosiy maqsadi – aholini favqulodda vaziyatlarga tayyorlash, xavfsizlik qoidalari va favqulodda holatlar yuzaga kelganda qanday harakat qilish kerakligini o‘rgatishdir. Tadbir davomida tabiiy ofatlar, suv toshqinlari va boshqa favqulodda vaziyatlarning oldini olish bo‘yicha zaruriy chora-tadbirlar amalga oshirilmoqda. Shuningdek, fuqaro muhofazasi bo‘yicha keng tushuntirish ishlari olib boriladi.
Zomin tumanining Favqulodda vaziyatlar bo‘limi xodimlari tomonidan mahallalarda amalga oshirilayotgan profilaktik tadbirlar aholi bilan ishlashga qaratilgan. Aholi yashash joylari va qurilish ob’ektlari, shuningdek, suv toshqini xavfi mavjud bo‘lgan hududlarda xavfsizlik choralarini ko‘rish bo‘yicha mashg‘ulotlar o‘tkazilmoqda.
Tumanimizda ba’zi mahallalarda sel va suv toshqini xavfi mavjud. Ushbu mahallalarda maxsus profilaktik tadbirlar tashkil etilib, xavfli hududlarda yashovchi fuqarolarga xavfsizlikni ta’minlash bo‘yicha amaliy maslahatlar berilmoqda. Favqulodda vaziyatlarda qanday harakat qilish, xavfsiz joylarga evakuatsiya qilish va tabiiy ofatlarga tayyorgarlikni oshirishga qaratilgan mashg‘ulotlar o‘tkazilmoqda.
Favqulodda vaziyatlar va fuqaro muhofazasi bo‘yicha o‘tkazilayotgan seminarlar va treninglar orqali aholi xavfsizligini ta’minlashga qaratilgan ko‘plab ishlar olib borilmoqda. Aholiga xavfsizlik qoidalari tushuntirilib, favqulodda vaziyatlarda qanday harakat qilish zarurligi, xavfli vaziyatlardan qanday omon qolish mumkinligi haqida batafsil ma’lumotlar berilmoqda.
Aholining favqulodda vaziyatlarda to‘g‘ri chora-tadbirlarni ko‘rish bo‘yicha ko‘nikmalari oshadi, va bu Zomin tumanidagi barcha fuqarolar xavfsizligini ta’minlashda muhim o‘rin tutadi.