Zomin tumanidagi 47-umumta’lim maktabi psixologi Sarvinoz Azimjonovaning ijodidan
2026-10-30 16:35:00 / Yangiliklar
Zomin tumanidagi 47-umumta’lim maktabi psixologi Sarvinoz Azimjonovaning ijodidan navbatdagi she’rni e’tiboringizga havola etamiz.
Koʻzgu
Qizaloq xonasida turardi koʻzgu magʻrur,
Chunki unga qizaloq tikilardi oy-u yil
Oʻz aksini tomosha aylardi, dilda surur,
Toʻlib-toshib oʻziga maxliyo boʻlar butkul.
Koʻzgu hursand , baxtlidir ,boshqa hamma buyumdan,
Axir uning egasi tikilarkan unga koʼp .
Boshqa buyumlar qadri baland faqat tiyindan ,
Faqat koʻzgu uchunday uning mexri koʻp va hop .
Oʻzini sevimli deb haddan oʻshar koʻzgu ham
Soʻzlar edi oʻylanmay boshqa buyumga qopol .
Boshqa barcha buyumlar axil boʻlsa jamul -jam ,
Koʻzgu esa aytarkan "shovqin solma, jimib qol".
Bir kun shoʻrlik koʻzguning boshiga tushdi kulfat ,
Taqdir hazil ayladi, sinib qoldi nogohon
Yordam soʻrayin desa ,yoʻq edi unda ulfat ,
Oʻsha kuni chiqitga chiqdiyu ,boʻldi payxon .
Oʻzdan ketgan koʻzgujon bir haqiqat bilmasdi .
Oʻz davringda kekkayib balki magʻrur turarsan
Foyda bersang keraksan, aksi holda hammasi,
Nimani eksang bilki hosilin ham terarsan .
Muallif: Sarvinoz Azimjonova
47-umumta’lim maktabi psixologi