Xitoyning «JDB Group» kompaniyasi delegatsiyasi Jizzax viloyatining investitsiyaviy salohiyati bilan tanişdi
2026-10-23 14:20:00 / Yangiliklar
Jizzax viloyatida xorijiy investitsiyalarni jalb etiş, yangi işlab çiqariş loyihalarini amalga oşiriş va xalqaro hamkorlikni kengaytiriş maqsadida Xitoy delegatsiyasi taşrif buyurdi.
Taşrifdan közlangan asosiy maqsad — viloyatning investitsiyaviy salohiyatini örganiş, mavjud imkoniyatlar bilan tanişiş va istiqbolli hamkorlik yönalişlarini belgilaşdan iborat.
Uçraşuvda viloyat hokimi örinbosarlari B. Yusupov va B. Egamov, Zomin tumani hokimi A. Abduğaniyev, Xitoy Xalqaro madaniy kommunikatsiya markazi raisi Long Yuysyan, Gonkongning «JDB Group» kompaniyasi asosçisi Çan Xun To hamda kompaniyaning investitsiyalar va yaşil sanoatni rivojlantiriş böyiça mas’ul vakillari iştirok etdi.
Ta’kidlaş joizki, joriy yilning 7–14-oktabr kunlari viloyat hokimining Xitoyga taşrifi davomida mazkur delegatsiya vakillari bilan uçraşuv ötkazilib, ular Jizzax viloyatiga taklif etilgan edi. Joriy taşrif uşbu kelişuvlarni davom ettiriş va özaro hamkorlikni mustahkamlaşga qaratilgan.
Muloqot davomida suv resurslarini qayta işlaş, içimlik va salqin içimliklar işlab çiqariş, toğ-kon sanoati va geologiya sohalaridagi loyihalarni amalga oşiriş imkoniyatlari muhokama qilindi.
Şuningdek, energetika, qişloq xöjaligi, oziq-ovqat mahsulotlarini qayta işlaş, farmatsevtika va çarm sanoati yönalişlaridagi investitsiyaviy imkoniyatlarni örganişga alohida e’tibor qaratildi.
Taşrif doirasida istiqbolli loyihalarni aniqlaş, ularni amalga oşiriş imkoniyatlarini har tomonlama baholaş va hamkorlikdagi işlarni jadallaştiriş masalalari körib çiqildi.
Mazkur taşrif Jizzax viloyatining investitsiyaviy jozibadorligini oşiriş, xorijiy sarmoyadorlar bilan aloqalarni mustahkamlaş va iqtisodiyotning turli tarmoqlarida yangi loyihalarni amalga oşirişga xizmat qiladi.