Jizzax viloyati Zomin tumani hokimligi

4-sentabr — Butunjahon taekvondo kuni munosabati bilan Zomin tumani Markaziy o‘yingohida yoshlar o‘rtasida taekvondo WT yo‘nalishi bo‘yicha keng ko‘lamli fleshmob tashkil etildi.

Jizzax viloyati sport boshqarmasi hamda O‘zbekiston taekvondo WT assotsiatsiyasining Jizzax viloyat bo‘limi hamkorligida o‘tkazilgan tadbirda yoshlar faol ishtirok etdi.

Fleshmobdan ko‘zlangan asosiy maqsad — yoshlar o‘rtasida taekvondo sport turini keng targ‘ib qilish, ularni sog‘lom turmush tarziga jalb etish, shuningdek, sport orqali yoshlarda intizom, iroda, qat’iyat va jismoniy chiniqish ko‘nikmalarini shakllantirishdan iborat.

Tadbir davomida yosh taekvondochilar tomonidan sport mashqlari va taekvondo WT yo‘nalishidagi chiqishlar namoyish etildi. Bunday ommaviy sport tadbirlari yoshlarning bo‘sh vaqtini mazmunli tashkil etish, ularni sportga keng jalb qilish hamda sog‘lom va faol avlodni tarbiyalashda muhim ahamiyat kasb etadi.