Zomin tumani Yoshlik mahallasida tuman prokuraturasi tashabbusi bilan bo‘sh ish o‘rinlari mehnat yarmarkasi tashkil etildi
2026-07-02 13:00:00 / Yangiliklar
Tadbirda Zomin tumani prokurori H.Abdullayev, tuman hokimining o‘rinbosari, Oila va xotin-qizlar bo‘limi boshlig‘i N. Omonova, Zomin tumani Kambag‘allikni qisqartirish va bandlik bo‘limi boshlig‘i G‘. Mamadaminov, huquqni muhofaza qiluvchi organlar rahbar va xodimlari, shuningdek, tumandagi ishsiz fuqarolar, yoshlar hamda xotin-qizlar ishtirok etdi.
Mehnat yarmarkasida ishtirokchilarga tumandagi mavjud bo‘sh ish o‘rinlari, ishga joylashish imkoniyatlari va mehnat bozorida yaratilayotgan shart-sharoitlar haqida batafsil ma’lumotlar berildi.
Shuningdek, yarmarka doirasida ishtirokchilar tikuvchilik fabrikasi faoliyati bilan yaqindan tanishtirildi. Ularga ishlab chiqarish jarayonlari, mehnat sharoitlari, mavjud bo‘sh ish o‘rinlari hamda korxonada faoliyat yuritish imkoniyatlari ko‘rsatib o‘tildi.
Tadbirning asosiy maqsadi ishsiz fuqarolar, ayniqsa, yoshlar va xotin-qizlarning bandligini ta’minlash, ularni doimiy ish o‘rinlariga yo‘naltirish hamda aholi bandligini oshirishga ko‘maklashishdan iborat bo‘ldi. Mehnat yarmarkasi davomida ish beruvchilar va ish izlovchilar o‘rtasida bevosita muloqot tashkil etilib, bir qator fuqarolarning ishga joylashishi yuzasidan dastlabki kelishuvlarga erishildi.