Zomin tumanida O‘zbekiston–Xitoy hamkorligida O'zbek-Xitoy shandong qishloq xojaligi sanoat parki tashkil etish masalalari muhokama qilindi
2026-02-02 11:00:00 / Yangiliklar
Zomin tuman hokimi Alisher Abdug‘aniyev Xitoy Xalq Respublikasining Qingdao Wanlin kompaniyasi rahbari Li Yantao hamda Weijin Agricultural Biotechnology kompaniyasi rahbari Jou bilan uchrashuv o‘tkazdi.
Uchrashuv davomida Zomin tumanining qishloq xo‘jaligi va investitsion salohiyati, mavjud imkoniyatlari hamda xorijiy investitsiyalarni jalb etish istiqbollari atroflicha muhokama qilindi.
Xususan, xorijiy investorlar tomonidan Zomin tumanida “O'zbek-Xitoy shandong qishloq xojaligi sanoat parki”ni tashkil etish rejalari taqdim etildi. Mazkur loyiha “1+1+7” tamoyili asosida zamonaviy agrosanoat klasterini shakllantirish orqali tumandagi O‘zbek–Xitoy maxsus sanoat zonasi hududida yirik agrotexnologik namunali park barpo etishni nazarda tutadi.
Loyiha ikki bosqichda amalga oshirilishi rejalashtirilgan bo‘lib, umumiy investitsiya hajmi qariyb 240 million AQSh dollarini tashkil etadi. Birinchi bosqich (2026–2030 yillar) doirasida 30 gektar maydonda agroindustrial parkni (ishlab chiqarish bazasi) bazasini ashkil etish ko‘zda tutilgan.
Agroindustrial park faoliyati 1 ta markaz va 5 ta ustuvor yo‘nalishni qamrab oladi. Jumladan: global halol oziq-ovqat R&D va industriya markazi, sabzavotlarni qayta ishlash, oziq-ovqat mahsulotlari ishlab chiqarish, agroximiya (pestitsid va o‘g‘itlar), agroinshootlar hamda ombor-logistika va elektron tijorat yo‘nalishlari.
Mazkur loyiha Zomin tumanida qishloq xo‘jaligini modernizatsiya qilish, yuqori qo‘shimcha qiymatga ega mahsulotlar ishlab chiqarish, yangi ish o‘rinlari yaratish hamda eksport salohiyatini oshirishga xizmat qilishi bilan ahamiyatlidir.