Jizzax viloyati Zarbdor tumani hokimligi

Zarbdor tumanining yirik mahallalaridan biri bo‘lgan Andijon MFY hududida yo‘l infratuzilmasini yaxshilash, aholi uchun qulay sharoitlar yaratish borasida amaliy ishlar olib borilmoqda.
Ayni paytda “Ochiq budjet” dasturi doirasida mahalladagi 3 154 metr ichki yo‘l asfaltlashtirilmoqda.
Mazkur ishlar natijasida mahalla ko‘chalarida harakatlanish yanada qulaylashib, aholining kundalik qatnovi yengillashadi. Shuningdek, transport vositalarining erkin harakatlanishi, piyodalar uchun qulayliklar yaratilishi hamda noqulay ob-havo sharoitida yo‘llardan foydalanish imkoniyatlarining yaxshilanishiga xizmat qiladi.
Eng muhimi, ushbu tashabbus mahalla infratuzilmasini rivojlantirish, hudud obodligini ta’minlash va aholi turmush sifatini oshirishga qaratilgani bilan ahamiyatlidir.