Zarbdor tumanida yoshlarni oilaviy hayotga tayyorlash bo‘yicha o‘quv mashg‘uloti o‘tkazildi
2026-09-09 09:00:00 / Yangiliklar
Zarbdor tumanida yoshlarni oilaviy hayotga tayyorlash, ularning huquqiy va ma’naviy bilimlarini oshirish, shuningdek, sog‘lom va mustahkam oila qurishga oid zarur tushunchalarni shakllantirish maqsadida o‘quv mashg‘uloti tashkil etildi.
Tadbir tuman Oila va xotin-qizlar bo‘limi hamda Fuqarolik holati dalolatnomalarini yozish (FHDY) bo‘limi tomonidan tuman bosh imom-xatibi va “Oqila ayollar harakati” vakillari hamkorligida o‘tkazildi.
Mashg‘ulot davomida yosh nikohlanuvchilarga oilaviy hayotning muhim jihatlari, nikohning huquqiy va diniy mas’uliyati, oilada o‘zaro hurmat va sabr-toqatning ahamiyati, sog‘lom va mustahkam oila barpo etishning muhim shartlari yuzasidan tushunchalar berildi.
Shuningdek, ishtirokchilarga oilaviy munosabatlarda yuzaga kelishi mumkin bo‘lgan turli holatlarda to‘g‘ri yondashuvni shakllantirishga qaratilgan amaliy maslahatlar, psixologik ko‘nikmalar hamda huquqiy ma’lumotlar yetkazildi.
Yoshlarni oilaviy hayotga tayyorlash, nikoh va oila mas’uliyatini chuqur anglatish hamda oilalar mustahkamligini ta’minlashga qaratilgan bunday targ‘ibot va o‘quv mashg‘ulotlari davom ettiriladi.