Zarbdor tumanida yoshlarni oilaviy hayotga tayyorlash bo‘yicha o‘quv mashg‘ulotlari tashkil etildi
2026-08-05 09:00:00 / Rahbariyatning bayonotlari va nutqlari
Zarbdor tumani Oila va xotin-qizlar bo‘limi hamda Fuqarolik holati dalolatnomalarini yozish (FHDY) bo‘limi tashabbusi bilan yoshlarni oilaviy hayotga puxta tayyorlashga qaratilgan o‘quv mashg‘ulotlari o‘tkazildi.
Tadbir tuman Oila va xotin-qizlar bo‘limi, FHDY bo‘limi, tuman bosh imom-xatibi hamda “Oqila ayollar” harakati vakillari hamkorligida tashkil etildi.
Mashg‘ulotlar davomida bo‘lajak kelin-kuyovlarga mustahkam oila barpo etishning ma’naviy, huquqiy va axloqiy asoslari, er-xotin o‘rtasidagi o‘zaro hurmat va mas’uliyat, oilaviy qadriyatlarni asrab-avaylash hamda farovon oila muhitini shakllantirishning muhim jihatlari haqida batafsil ma’lumotlar berildi.
Shuningdek, ishtirokchilarning oilaviy hayotga ongli va mas’uliyatli yondashuvini mustahkamlash maqsadida psixologik tavsiyalar, amaliy ko‘nikmalar hamda huquqiy maslahatlar taqdim etildi.
Mazkur o‘quv mashg‘ulotlari yoshlarni mustahkam oila qurishga tayyorlash, oilaviy munosabatlarda o‘zaro ishonch va hamjihatlikni qaror toptirish hamda sog‘lom oilaviy muhitni shakllantirishga xizmat qilmoqda.