Joriy yilning 4-7-noyabr kunlari Yoshlar ishlari agentligi hamkorligida Hamdo‘stlikka a’zo davlatlar temir yo‘l transporti bo‘yicha Kengashining 81-yig‘ilishi va “O‘zbekiston temir yo‘llari” AJ tashkil etilganining 30 yilligiga bag‘ishlangan tantanali tadbirlar doirasida “Xalqaro temiryo‘lchi yoshlar forumi” tashkil etildi. Ushbu forumda 6 davlatdan 16 nafar yosh delegatsiya a’zolari hamda “O‘zbekiston temir yo‘llari” AJda faoliyat yuritayotgan temiryo‘lchi yoshlar ishtirok etdi.

Forumning rasmiy ochilish marosimi 6-noyabr kuni “Yoshlar anjumani” saroyida o‘tkazildi. Tadbir davomida temiryo‘lchilar Samarqand va Toshkent shaharlariga sayohat qilib, o‘zaro tajriba almashish, yoshlarga yaratilgan imkoniyatlar va amalga oshirilayotgan loyihalar yuzasidan fikr almashish imkoniga ega bo‘ldilar.

7-noyabr kuni “O‘zbekiston temir yo‘llari” AJning 30 yilligi munosabati bilan Anjumanlar saroyida gala-konsert hamda Xalqaro temiryo‘lchi yoshlar forumining yopilish marosimi bo‘lib o‘tdi.