Parijdagi xalqaro ko‘rgazmada O‘zbekiston tumanida tayyorlangan mahsulotlar namoyish etilmoqda
2026-10-20 17:20:00 / Yangiliklar
Ayni kunlarda Fransiyaning Parij shahrida “SIAL Paris 2026” xalqaro oziq-ovqat sanoati ko‘rgazmasi bo‘lib o‘tmoqda.
Paris Nord Villepinte ko‘rgazma markazida tashkillangan namoyishda dunyoning 130 ga yaqin mamlakatidan 8 000 dan ortiq ishtirokchilar va 295 mingdan ziyod soha mutaxassislari qatnashmoqda.
Shuningdek, ko‘rgazmada yurtimiz vakillari qatorida O‘zbekiston tumanida faoliyat ko‘rsatuvchi “Sabina DFAN” MCHJ eksportyor korxonasi ham ishtirok etmoqda. Korxona o‘zining quritilgan meva mahsulotlarini taqdim etib, eksport imkoniyatlarini kengaytirmoqda.