Islomobodda bo‘lib o‘tgan “Made in Uzbekistan” ko‘rgazmasida tumanimizda faoliyat ko‘rsatayotgan tadbirkorlar tomonidan namoyish etilgan oziq-ovqat mahsulotlari ham ishtirokchilarga manzur bo‘ldi
2026-02-06 16:50:00 / Yangiliklar
Pokistonning Islomobod shahrida “Made in Uzbekistan” nomi ostida ko‘rgazma o‘tkazilib, unda eksportga yo‘naltirilgan, aloqalarni chuqurlashtirishga qaratilgan milliy ishlab chiqaruvchilarimiz mahsulotlari namoyish etildi.
Xususan, ko‘rgazmadan o‘rin olgan, serquyosh yurtimizda yetishtirilgan meva-sabzavot va oziq-ovqat mahsulotlari alohida e’tibor markazida bo‘ldi.
Tadbirda O‘zbekiston tumanidan “Elmurodjon meva savdo” MCHJ hamda “Mingdon 1000” MCHJ vakillari ham quritilgan sara mevalar va dukkakli ekin mahsulotlari bilan ishtirok etishdi.
Ko‘rgazma davomida mamlakatimizning meva-sabzavot va oziq-ovqat eksport salohiyatini namoyish etish bilan birgalikda, yangi savdo hamkorliklarini yo‘lga qo‘yish yuzasidan istiqbolli kelishuvlarga erishildi.