Sirdaryo viloyati Yangiyer shahar hokimligi

2026-yil 30-mart kuni qabul qilingan Prezidentning «Sud hujjatlari va boshqa organlar hujjatlarini ijro etish tizimini raqamlashtirish va uning samaradorligini oshirish bo‘yicha qo‘shimcha chora-tadbirlar to‘g‘risida»gi PF-50-son Farmoni ijro tizimidagi raqamlashtirish jarayonlarini yangi bosqichga olib chiqdi. Mazkur farmon davlat aktivlarini realizatsiya qilish, ayniqsa elektron onlayn-auksionlar orqali sotish tizimiga bir qator muhim o‘zgarishlarni kiritdi.

PF-50 bilan elektron onlayn-auksion tizimidagi asosiy o‘zgarishlar:

Mazkur farmonga muvofiq, davlat aktivlarini realizatsiya qilish jarayonlarini soddalashtirish va tezlashtirishga qaratilgan quyidagi muhim yangiliklar joriy etildi:

Davlat daromadiga o‘tkaziladigan mulklarni realizatsiya qilish tartibi o‘zgardi;

2026-yil 1-iyuldan boshlab sud hujjatlari va boshqa organlar qarorlari asosida davlat daromadiga o‘tkazilishi lozim bo‘lgan:

avtomototransport vositalari;

ko‘chmas mulk obyektlari;

davlat ijrochisining qarori asosida bevosita Davlat aktivlarini boshqarish agentligi tasarrufiga o‘tkaziladi.

Bu o‘zgarish avvalgi kabi bir necha bosqichli jarayonlarni qisqartirib, davlat aktivlarini elektron onlayn-auksionga chiqarishni tezlashtiradi.

Soliq qarzdorligi va muammoli kreditlar bo‘yicha yangi tartib:

PF-50 farmoniga muvofiq, soliq qarzdorligi va muammoli kreditlarni undirishda mol-mulklarni realizatsiya qilishning yangi mexanizmi joriy etildi.

Unga ko‘ra:

soliq qarzdorligi bo‘yicha mol-mulklarni xatlash va ko‘zdan kechirish — soliq organlari tomonidan;

garov bilan ta’minlangan kreditlar bo‘yicha mol-mulklarni xatlash va rasmiylashtirish — banklar vakolatli shaxslari tomonidan amalga oshiriladi.

Bu esa aktivlarni elektron onlayn-auksionlarga chiqarish jarayonini ancha tezlashtiradi va ortiqcha vaqt yo‘qotilishining oldini oladi.

Elektron onlayn-auksionlar roli yanada kuchaytirildi.

Yangi tartibga muvofiq:

ijro hujjatlari bo‘yicha mol-mulklarni sotish elektron onlayn-auksionlar orqali amalga oshiriladi;

davlat aktivlarini realizatsiya qilish jarayonlari raqamlashtiriladi;

mol-mulklarni sotish jarayonida inson omili kamaytiriladi;

aktivlarni sotish muddatlari qisqartiriladi.

Bu esa elektron onlayn-auksion tizimining davlat aktivlarini realizatsiya qilishdagi asosiy mexanizmga aylanib borayotganini ko‘rsatadi.

PF-50 farmonining elektron onlayn-auksionlar uchun afzalliklari:

Mazkur o‘zgarishlar natijasida:

davlat aktivlarini realizatsiya qilish tezlashadi;

elektron onlayn-auksionlar orqali ishtirokchilar soni oshadi;

aktivlar bozor narxida sotilishi ta’minlanadi;

tadbirkorlar uchun yangi investitsiya imkoniyatlari yaratiladi;

shaffoflik va ochiqlik ta’minlanadi;

davlat budjetiga tushumlar oshadi.

Ayniqsa, hududlarda joylashgan davlat aktivlarini investorlar va tadbirkorlarga taqdim etish imkoniyatlari yanada kengayishi kutilmoqda.

PF-50 farmoni bilan kiritilgan mazkur o‘zgarishlar elektron onlayn-auksionlar tizimining samaradorligini oshirish, davlat aktivlarini tezkor va shaffof realizatsiya qilish hamda iqtisodiy faollikni oshirishga xizmat qiladi.

                                                                               “Elektron onlayn-auksionlarni tashkil etish” AJ  Sirdaryo viloyati hududiy