Bandlikni ta’minlash bo‘yicha ustuvor vazifalar belgilandi
2026-02-23 11:10:00 / Yangiliklar
Bugun, 23-fevral kuni Yangiyer shahri hokimi Otabek Nosirov boshchiligida Bandlikka ko‘maklashish va kambag‘allikni qisqartirish bo‘limi xodimlari ishtirokida ishsiz fuqarolarni kasb-hunarga o‘qitish masalalari muhokama etildi. Unda shaharda aholi bandligini ta’minlash, fuqarolarni zamonaviy va talab yuqori bo‘lgan kasblarga yo‘naltirish, shu orqali daromad manbalarini kengaytirish masalalari atroflicha tahlil qilindi.
O‘rganishlar davomida Yangiyer shahrining mavjud iqtisodiy va infratuzilmaviy salohiyatidan yetarli darajada foydalanilmayotgani qayd etildi. Xususan, hududda kasb-hunarga o‘qitish markazlarini tashkil etish hamda o‘quv dasturlarini mehnat bozori talablari asosida shakllantirish borasida ayrim kamchiliklar borligi aniqlandi. Shu bois mavjud muammolarni qisqa muddatda bartaraf etish, kasbga o‘qitish markazlarini tashkil etish bo‘yicha aniq “yo‘l xaritasi” ishlab chiqish va uni amalga oshirish yuzasidan takliflar tayyorlash vazifasi belgilab berildi.