Qashqadaryo viloyati Yakkabog' tumani hokimligi

2025-yil yoz mavsumi – global miqyosda oziq-ovqat xavfsizligi bilan bog‘liq tahdidlar, ekologik beqarorlik va iqtisodiy muammolar ortib borayotgan sharoitda har bir gektar yer maydonidan oqilona va samarali foydalanish dolzarb vazifaga aylanmokda. Shu maqsadda, Yakkabog‘ tumanida 2025-yil hosili uchun g‘alladan bo‘shagan jami 6100 gektar maydon takroriy ekinlar bilan to‘liq o‘zlashtirilmoqda. Bu jarayonda tumandagi fermer xo‘jaliklari va dehqonlar tomonidan agrotexnik qoidalarga qat’iy amal qilinmoqda. Tuman fermerlar kengashi va qishloq xo‘jaligi mutaxassislari tomonidan ko‘rsatma va maslahatlar berib kelinmoqda. Ayni vaqtda Murodov Temur Nomozovich fermer xo‘jaligida g‘alladan bo‘shagan maydonga takroriy ekin sifatida 3 gektar maydonda kartoshka ekin ishlari olib borilmoqda. Ekinlar yuqori hosildorlikka ega, eksportbop navlar asosida tanlab olingan bo‘lib, har bir fermer xo‘jaligi tomonidan agrotexnik tadbirlar belgilangan muddatda va sifatli amalga oshirilmoqda. Ayniqsa, takroriy ekinlar uchun zamonaviy, suvni tejovchi texnologiyalar joriy etilayotgani alohida e’tiborga loyiq. Tumanda olib borilayotgan mazkur tizimli ishlar – oziq-ovqat xavfsizligini ta’minlash, eksport hajmini oshirish va ichki bozorda narx-navoni barqarorlashtirishda muhim omil bo‘lib xizmat qilmoqda. Yakkabog‘lik dehqon va fermerlar bugungi murakkab iqlim va iqtisodiy sharoitlarda yurtimiz farovonligi yo‘lida o‘zining fidokorona mehnati bilan ulkan hissa qo‘shmoqda.