Andijon viloyati Xonobod shahar hokimligi

Ona tilim — millatim faxri, ma’naviyatim timsoli! O‘zbek tili — xalqimizning milliy o‘zligi, boy ma’naviy merosi va asrlar davomida shakllangan bebaho qadriyatidir. Ona tilimizni asrab-avaylash, uning nufuzini oshirish va kelajak avlodlarga sof holda yetkazish har birimizning sharafli burchimizdir. O‘zbekiston Respublikasi Konstitutsiyasining 4-moddasida belgilanganidek, davlat tilimiz — o‘zbek tilidir. Shu bilan birga, mamlakatimizda istiqomat qiluvchi barcha millat va elatlarning tillari, urf-odatlari va an’analariga hurmat ko‘rsatish tamoyili ham mustahkamlangan. Til bor ekan — millat barhayot, til qadrlangan yurtda ma’naviyat yuksaladi! Barchangizni O‘zbek tili bayrami kuni bilan samimiy muborakbod etamiz! Ona tilimizning ravnaqi, nufuzi va jozibasi yanada yuksalaversin! Ona tilimiz — qalbimiz iftixori, milliy g‘ururimiz va kelajagimiz poydevoridir!