Shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari

1. Quyidagilar shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarining asosiy vazifalari hisoblanadi:

yoshlar, yaʼni oʻttiz yoshdan oshmagan shaxslar, xususan, taʼlim bilan qamrab olingan yoshlar, uyushmagan yoshlar, yosh mutaxassislar, tadbirkor yoshlar, yosh fermerlar, yosh oilalarni har tomonlama qoʻllab-quvvatlash yuzasidan chora-tadbirlarni amalga oshirish;

umumtaʼlim maktablarining bitiruvchilarini kasbga yoʻnaltirish va ularni keyinchalik oʻrta maxsus, kasb-hunar taʼlim tizimida oʻqish bilan toʻliq qamrab olish boʻyicha tizimli ishlarni tashkil etish;

akademik litseylar faoliyati samaradorligini oshirishga qaratilgan kompleks chora-tadbirlarni amalga oshirish, jumladan, ularni xududlar kesimida optimal joylashtirish, isteʼdodli yoshlarni qamrab olish, oʻquv jarayoni sifatini oshirish;

oliy taʼlim yoʻnalishlari va oliy maʼlumotli kadrlar tayyorlash koʻrsatkichlarining hududlar boʻyicha optimal taqsimoti yuzasidan asoslangan takliflar ishlab chiqish, bitiruvchilarni chuqur professional bilimlarga ega boʻlishlariga qaratilgan chora-tadbirlarni amalga oshirish;

taʼlim tizimining barcha bosqichlarida oʻquv jarayoni sifatini, oʻquvchi-talabalarning davomatini taʼminlash yuzasidan aniq choralarni koʻrish va nazorat qilish, bu borada taʼlim muassasasi, mahalla, nodavlat va notijorat tashkilotlari, profilaktika inspektorlari va ota-onalarni oʻzaro hamkorlikdagi ishlarini muvofiqlashtirish;

aholi, yoshlarning kitobxonlik madaniyatini yuksaltirish, milliy adabiyotimiz va jahon adabiyotining eng yaxshi namunalarini keng targʻib qilish, “ommaviy madaniyat”ning koʻrinishlariga qarshi maʼnaviy profilaktika ishlariga rahbarlik qilish;

taʼlim tizimining barcha bosqichlarida chet tillariga, kompyuter texnologiyalari va internet-resurslaridan foydalanishning ilgʻor koʻnikmalariga oʻrgatish boʻyicha kompleks chora-tadbirlar bajarilishini nazorat qilish;

yoshlarni boʻsh vaqtlarini mazmunli tashkil etish boʻyicha ularning mulohazalari va takliflarini inobatga olgan holda aniq va manzilli chora-tadbirlar dasturlari ishlab chiqish, turli toʻgaraklarga, shu jumladan, bolalar musiqa va sanʼat, bolalar va oʻsmirlar sport maktablariga qamrab olish ishlarini tizimli tashkil etish;

yoshlarni yuksak axloqiy tarbiyalash, ularni mafkuraviy tahdidlardan himoya qilish va jamiyatda yuksak maʼnaviyatini qaror toptirish borasidagi ishlarga rahbarlik qilish;

yoshlarni mustaqil hayotga tayyorlash, aholining ijtimoiy faolligini oshirish, yoshlar tarbiyasi masalasida jamoatchilik nazoratini tashkil etish, jamiyatda tinchlik va osoyishtalikni taʼminlash sohasidagi vazifalarni samarali bajarishga yoʻnaltirilgan chora-tadbirlarni amalga oshirish;

ota-onalarning pedagogik madaniyatini yuksaltirishga, barkamol avlod tarbiyasida “oila-mahalla-taʼlim muassasasi” hamkorlik konsepsiyasini amalga oshirishga rahbarlik qilish;

uyushmagan yoshlarning manfaatlarini roʻyobga chiqarishda ishtirok etuvchi davlat organlari, muassasalar va nodavlat notijorat tashkilotlarining faoliyatini muvofiqlashtirish hamda yoshlarning ijtimoiy faolligini oshirishga qaratilgan ustuvor yoʻnalishlarni belgilash;

uyushmagan yoshlarning muammolarini aniqlash va hal qilish uchun ularning ehtiyojini aniqlash boʻyicha monitoring olib borish va baholash, kasbga oʻrgatish, kichik, oʻrta biznes va oilaviy tadbirkorlikka keng jalb etish, huquqbuzarlik va jinoyatchilikni oldini olishga qaratilgan chora-tadbirlarni belgilash;

yosh mutaxassislarni ishga joylashtirishning tizimli monitoringini tashkil etish, mehnat bozorida ularning raqobatbardoshligini taʼminlashga qaratilgan maxsus dasturlarni ishlab chiqish va uni amaliyotga joriy etish, yosh kadrlarni tayyorlash, qayta tayyorlash va malakasini oshirish boʻyicha ishlarni amalga oshirish;

yoshlar tadbirkorligi hamda yosh fermerlar faoliyatini rivojlantirish uchun qulay shart-sharoitlar yaratish, yoshlar tadbirkorligini tashkil etishda koʻmaklashish, imtiyozli kreditlar berish, joy ajratish, moddiy va texnik vositalar bilan taʼminlanishiga doir dasturlarni ishlab chiqish;

yosh oilalarni maʼnaviy va moddiy jihatdan qoʻllab-quvvatlash, ular uchun munosib uy-joy va ijtimoiy-maishiy sharoitlarni tashkil etish boʻyicha chora-tadbirlar tizimini amalga oshirish, kam taʼminlangan yosh oilalarga qonun hujjatlarida belgilangan tartibda moddiy yordam berish choralarini koʻrish;

aholiga jismoniy tarbiya va sport bilan shugʻullanish, dam olishini tashkil etish uchun qulay tashkiliy-huquqiy va ijtimoiy shart-sharoitlarni yaratish hamda sifat jihatdan yangi darajaga koʻtarish, sogʻlom turmush tarzini targʻib qilish boʻyicha tizimli ishlarni amalga oshirish;

sport sohasida olib borilayotgan ishlar koʻlamini yanada kengaytirish, sportni ommaviyligini oshirish, qizlar oʻrtasida sportni rivojlantirish, barcha hududlar, ayniqsa eng chekka qishloqlarida xalqaro talablarga javob beradigan moddiy-texnik bazaga ega zamonaviy sport inshootlarini barpo etishni muvofiqlashtirish;

aholining turmush madaniyatini, hayot sifatini oshirishga qaratilgan taʼlim, dam olish va xordiq chiqarish, sport sohasi muassasalaridan foydalanish koʻlamini kengaytirishga qaratilgan kompleks chora-tadbirlarni amalga oshirish;

hududda sogʻlom turmush tarzini mustahkamlashga qaratilgan ommaviy tadbirlarni tayyorlash va tashkil etish masalalarini muvofiqlashtirish, tadbirlarning maqsadli, rejali, tartibli tashkil etish va tarbiyaviy samaradorligini taʼminlash chora-tadbirlarini koʻrish;

shaharda sport sohasida olib borilayotgan ishlar, sportni rivojlantirish va ommaviyligini oshirish siyosatining maqsad va vazifalaridan kelib chiqib, hududda tashkil etiladigan chora-tadbirlar mazmuni, samaradorligini tahlil qilish, sohalarning tizimli faoliyatini muvofiqlashtirib borish;

sport sohasida ommaviy tadbirlarni tayyorlash va tashkil etish masalalarini muvofiqlashtirish, ommaviy tadbirlarni oʻtkazishning belgilangan tartibiga rioya etish yuzasidan nazoratni taʼminlash;

sport sohasida olib borilayotgan ishlar koʻlamini yanada kengaytirish, sportni ommaviyligini oshirish, aholi oʻrtasida sportni rivojlantirish, barcha hududlar, ayniqsa eng chekka qishloqlarida xalqaro talablarga javob beradigan moddiy-texnik bazaga ega zamonaviy sport inshootlarini barpo etish ishlarini muvofiqlashtirish;

jismoniy tarbiya va sport bilan shugʻullanish, dam olishini tashkil etish uchun qulay tashkiliy-huquqiy sharoitlarni yaratish;

sport sohasidagi xizmatlar va sogʻlomlashtirish tarmoqlarini ilgʻor xorijiy tajribadan foydalangan holda ilmiy-texnologik jihatdan rivojlantirish boʻyicha respublika va xorijiy yetakchi oliy taʼlim muassasalari hamda sport markazlari bilan hamkorlik aloqalarini rivojlantirish;

aholining jismoniy tayyorgarligi holati natijalari monitoringini muvofiqlashtirish;

jismoniy tarbiya va sport sohasidagi normativ-huquqiy hujjatlar loyihalarini ishlab chiqishda ishtirok etish va ilmiy jihatdan asoslash boʻyicha xulosalar berish;

sport sohasida faoliyat yuritayotgan yetakchi mutaxassislarni va ilmiy xodimlar jalb etilgan ishchi komissiyalar va ekspert guruhlarida ishtirok etish;

davlat mulki boʻlgan boʻsh turgan sport obyektlarini investitsiya va ijtimoiy majburiyatlarni qabul qilish sharti bilan belgilangan tartibda xususiy investorlarga berish, xususiy sherikning mulki negizida tashkil qilingan sport obyektlarining holatini yaxshilashga koʻmaklashish boʻyicha takliflar kiritish;

jismoniy tarbiya va sport sohasida davlat-xususiy sheriklikni amalga oshirish boʻyicha takliflar ishlab chiqish;

aholiga ijtimoiy xizmat koʻrsatish darajasi va sifatini oshirish, hayot va mehnat faoliyati, malakali tibbiy yordam olish, ijtimoiy shart-sharoitlarni yaratish hamda sifat jihatdan yangi darajaga koʻtarish boʻyicha tizimli ishlarni amalga oshirish;

aholining ijtimoiy ehtiyoj va talablarini oʻrganish asosida hududlarda ijtimoiy rivojlantirish dasturlarini ishlab chiqish va ijrosini monitoring qilish;

sogʻliqni saqlash tizimini isloh qilish, aholiga yuqori malakali tibbiy yordamni koʻrsatish, sogʻliqni saqlash muassasalarning moddiy-texnika bazasini mustahkamlash, ularni zamonaviy tibbiy asbob-uskunalar bilan jihozlash va kadrlar saloxiyatini oshirish borasida tizimli ishlarni amalga oshirish;

qishloq oila punktlari va oilaviy poliklinikalarning ish samaradorligini oshirish, har bir inson va butun oila darajasida eng koʻp uchraydigan kasalliklar profilaktikasi va davolash jarayonini tashkil etish, oilalarni patronaj tizimi bilan toʻliq qamrab olish, aholining tibbiy madaniyatini oshirish, sogʻlom turmush tarzini, shu jumladan sogʻlom ovqatlanishni targʻib qilish chora-tadbirlarini amalga oshirish;

bolalar va oʻsmirlar sogʻligʻini muhofaza qilish, tugʻma va irsiy kasalliklarni oldini olish, rivojlanish nuqsoni boʻlgan bolalarni tibbiy-ijtimoiy reabilitatsiya qilish sifatini oshirish, ularning jamiyat hayotida toʻlaqonli qatnashishlari uchun zarur shart-sharoitlar yaratish;

aholiga tashhis qoʻyishning zamonaviy usullarini joriy etish va yuqori malakali ixtisoslashtirilgan tibbiy yordam koʻlamini yanada kengaytirish. Jahon standartlari darajasidagi eng samarali, murakkab va yuqori texnologiyali usullarga boʻlgan aholi ehtiyojini qondirishga yoʻnaltirilgan tadbirlar ijrosini taʼminlash;

aholini dori vositalari bilan taʼminlashni yanada yaxshilash, mahalliy ishlab chiqaruvchilar tomonidan ishlab chiqarilgan sifatli dori vositalar va tibbiy buyumlar bilan taʼminot darajasini oshirish, mahalliy farmatsevtika sanoatiga investitsiyalar kiritish uchun chet el yetakchi kompaniyalari va investorlarini jalb qilish boʻyicha tadbirlarni amalga oshirish;

aholi oʻrtasida mamlakatimizda amalga oshirilayotgan davlat siyosatining ustuvor yoʻnalishlari, keng koʻlamli islohotlarning mohiyati, qabul qilingan qonun hujjatlari va davlat dasturlari ahamiyatining targʻibot va tashviqotini tashkil qilish;

aholining maʼnaviy muammo va ehtiyojlarini oʻrganib borish asosida hududda maʼnaviy muhit sogʻlomligini taʼminlash, tashkiliy-huquqiy shaklidan qatʼi nazar barcha tashkilotlarning maʼnaviy-maʼrifiy faoliyatini muvofiqlashtirish va rahbarlik qilish;

aholining maʼnaviy-axloqiy, diniy-maʼrifiy, madaniy saviyasini oshirish va uning doimiy ravishda oʻsib borayotgan intellektual, estetik va madaniy ehtiyojlarini taʼminlash, maʼnaviy-maʼrifiy merosni, urf-odat va qadriyatlarni saqlash, targʻib qilish ishlariga rahbarlik qilish;

hududda sogʻlom turmush tarzi, millatlararo totuvlik, oʻzaro mehr-oqibat muhitini mustahkamlashga qaratilgan ommaviy tadbirlarni tayyorlash va tashkil etish masalalarini muvofiqlashtirish, tadbirlarning maqsadli, rejali, tartibli tashkil etish va tarbiyaviy samaradorligini taʼminlash chora-tadbirlarini koʻrish;

hududda jinoyatchilik va huquqbuzarlikning oldini olish, odamlarni hushyorlik va ogohlikka daʼvat etish, yoshlarda yot gʻoyalarga qarshi mafkuraviy immunitetni mustahkamlash, huquqiy madaniyatni yuksaltirish, fuqarolarda qonunga hurmat, huquqbuzarlik holatlariga murosasizlik hissini kuchaytirishga qaratilgan samarali targʻibot tizimini yoʻlga qoʻyish;

yoshlar orasida “ommaviy madaniyat” tahdidlaridan ogoh qilishga qaratilgan profilaktik maʼrifiy-tarbiyaviy chora-tadbirlarga rahbarlik qilish;

aholi orasida mehr-oqibat, mehr-shafqat, muruvvat va himmat, insofu diyonat, vijdoniylik, ahillik va totuvlik, fidoyilik, vatanparvarlik, olijanoblik va boshqa fazilatlarni targʻib qilish hamda maʼnaviy-maʼrifiy ishlarni rivojlantirish;

demokratik oʻzgartirishlarni chuqurlashtirish, joylarda ijtimoiy-maʼnaviy muhitning barqarorligini mustahkamlash, fuqarolarning ijtimoiy-siyosiy faolligini oshirishda mahalla institutining roli va ahamiyatini kuchaytirish chora-tadbirlarini amalga oshirish;

mamlakatda olib borilayotgan maʼnaviy-maʼrifiy ishlar boʻyicha siyosatning maqsad va vazifalaridan kelib chiqib, hududda tashkil etiladigan chora-tadbirlar mazmuni, samaradorligini tahlil qilish, sohalarning tizimli faoliyatini tashkil qilish;

Oʻzbekiston Respublikasi Konstitutsiyasi, “Mahalliy davlat hokimiyati toʻgʻrisida”gi Oʻzbekiston Respublikasi Qonuni, Oʻzbekiston Respublikasining boshqa qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining hujjatlari va topshiriqlari, Oʻzbekiston Respublikasi Vazirlar Mahkamasining qarorlari va topshiriqlari bilan hokimlikka yuklangan vazifalarni bajarish yuzasidan aniq chora-tadbirlarni ishlab chiqish va amalga oshirish;

jismoniy va yuridik shaxslarning murojaatlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuniga muvofiq koʻrib chiqish;

tasarrufidagi kotibiyat va tegishli tashkilot hamda muassasalarda Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF–6166-son Farmoni, “Oʻzbekiston Respublikasi Prezidenti hujjatlari va topshiriqlari samarali va natijali ijro etilishi, shuningdek, Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajadagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ–2881-son hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ–3152-son qarorlari, shuningdek, Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son va “Oʻzbekiston Respublikasi hokimiyat va boshqaruv organlarida ish yuritish va nazoratni tashkil etish boʻyicha meʼyoriy xujjatlarni tasdiqlash toʻgʻrisida” 1999-yil 29-martdagi 140-son qarorlariga muvofiq, ijro intizomiga soʻzsiz rioya etilishini taʼminlash uchun javob beradi.

qonunchilik hujjatlariga muvofiq boshqa vazifalarni ham bajaradi.

Shahar hokimining oʻrinbosari vazifa va funksiyalarining tegishli ravishda hamda samarali bajarilishi uchun shaxsiy javobgardir.

2. Quyidagi komissiyalarni boshqaradi:

favqulodda epidemiyaga qarshi kurashish shahar komissiyasi;

tanosil kasalliklariga qarshi kurashish shahar idoralararo komissiyasi;

qonunchilik hujjatlariga muvofiq tashkil etiladigan boshqa hududiy komissiyalar va kengashlar.

3. Quyidagi tashkilot, muassasa va korxonalarning shahar hokimligi bilan oʻzaro faoliyatini muvofiqlashtirib boradi:

Yoshlar ishlari agentligi shahar boshqarmasi;

Oʻzbekiston Yoshlar ittifoqi shahar Kengashi;

shahar maktabgacha va maktab taʼlimi boshqarmasi;

shahar sogʻliqni saqlash boshqarmasi;

shahar yoshlar siyosati va sport boshqarmasi;

Sanitariya-epidemiologik osoyishtalik va jamoat salomatligi qoʻmitasi shahar hududiy boshqarmasi;

“Maʼnaviyat va maʼrifat” markazi shahar boʻlimi

shahar kasaba uyushmalari tashkilotlari birlashmasi;

Yozuvchilar uyushmasi shahar boʻlimi;

Mudofaaga koʻmaklashuvchi “Vatanparvar” tashkiloti shahar boʻlimi;

Oʻzbekiston Respublikasi Prezidenti huzuridagi Ijtimoiy himoya milliy agentligining shahar hududiy boshqarmasi

Rahbariyat

Xamdamova O'g'iloy Sadiqjonovna

Teshaboyev Izzatbek Mirxomidjon o‘g‘li

- Hokimiyat haqida

- Faoliyat

- Davlat xizmatlari

- Hujjatlar

- Raqamli hukumat

- Axborot xizmati

- Bog‘lanish