Xonobod shahridagi dam olish maskanlarida tartib-intizom va xavfsizlik masalalari muhokama qilindi.
2026-08-03 15:20:00 / Yangiliklar
Xonobod shahar Ichki ishlar bo‘limi boshlig‘i tomonidan shahrimizdagi dam olish maskanlarida jamoat tartibini ta’minlash, huquqbuzarliklarning oldini olish hamda fuqarolar va mehmonlarning xavfsiz dam olishi masalalariga bag‘ishlangan uchrashuv o‘tkazildi.
Uchrashuvda dam olish maskanlarida faoliyat yuritayotgan tadbirkorlar, mas’ul tashkilotlar vakillari hamda tegishli mutasaddilar ishtirok etdi.
Muloqot davomida dam olish maskanlarida tartib-intizomni mustahkamlash, huquqbuzarliklarning barvaqt oldini olish, tungi vaqtlarda xavfsizlik choralarini kuchaytirish, jamoat joylarida qonunchilik talablariga qat’iy rioya etish masalalari atroflicha muhokama qilindi.
Shuningdek, tadbirkorlar faoliyati davomida uchrayotgan muammolar va ularni qiynayotgan bir qator masalalar tinglanib, ularni bartaraf etish yuzasidan tegishli mutasaddilarga topshiriqlar berildi.