Respublika ishchi guruhining navbatdagi manzili — Mustaqillik va A.Fitrat mahallalari
2026-07-25 17:00:00 / Yangiliklar
Tashrif davomida yoshlar yetakchilari faoliyati, yangi tashkil etilgan logistika markazi ishlari hamda unda hozirgi kunda oylik maosh olib ishlayotgan yoshlarimiz faoliyati ko‘zdan kechirildi.
Shuningdek, A.Fitrat mahallasidagi bolalar va mini futbol maydonchalari koʻzdan kechirildi hamda hududlarda amalga oshirilayotgan obodonlashtirish ishlari, infratuzilma obyektlarining holati hamda aholi uchun yaratilayotgan sharoitlar o‘rganildi. Mas’ullar bilan suhbatlar o‘tkazilib, mavjud imkoniyatlardan samarali foydalanish, yoshlar bandligini ta’minlash va mahallalarda bo‘sh vaqtni mazmunli tashkil etish masalalariga alohida e’tibor qaratildi.
Respublika ishchi guruhi tomonidan amalga oshirilayotgan ishlar ijobiy baholanib, mahallalarda bunyodkorlik ishlarini davom ettirish, yoshlar bilan ishlash samaradorligini oshirish hamda yangi obyektlardan unumli foydalanish bo‘yicha tavsiyalar berildi.