Xonobod shahrida "Dolzarb 90 kun" tadbirlari doirasida "Inson" ijtimoiy xizmatlar markazi tashabbusi bilan shahar Madaniyat bo‘limi hamda Nogironligi bo‘lgan shaxslar jamiyati hamkorligida "Sen kuchlisan" nomli xayriya ko‘rgazmasi tashkil etildi.
2026-07-25 14:50:00 / Yangiliklar
Ko‘rgazmada turli xastaliklar va nogironlikni matonat bilan yengib kelayotgan yosh ijodkorlar, rassomlar hamda hunarmandlarning qo‘l mehnati va ijod namunalari namoyish etildi. Tadbir ularning iste’dodini keng jamoatchilikka tanitish, ma’naviy qo‘llab-quvvatlash hamda jamiyatdagi faolligini oshirishga xizmat qildi.
Ishtirokchilar ko‘rgazmadagi ijodiy ishlar bilan yaqindan tanishib, mualliflarning iste’dodi, mehnatsevarligi va mustahkam irodasini yuksak e’tirof etdilar. Samimiy ruhda o‘tgan tadbir barchada iliq taassurot qoldirib, mehr-oqibat, inson qadrini ulug‘lash va inklyuziv jamiyat g‘oyalarini yanada mustahkamladi.