Mustaqilligimizning 35 yilligi munosabati bilan bayram konserti tashkil etildi
2026-07-11 20:40:00 / Yangiliklar
Mustaqilligimizning 35 yilligi munosabati bilan bayram konserti tashkil etildi
Xonobod shahrida Oʻzbekiston Respublikasi davlat mustaqilligining 35 yilligi munosabati bilan bayramona konsert dasturi tashkil etildi.
Bayram tadbirida Xonobod shahar Madaniyat boʻlimi ijodkorlari hamda Andijon viloyati Yoshlar teatri aktyorlari oʻzlarining sermazmun sahna chiqishlari, kuy-qoʻshiqlari va badiiy kompozitsiyalari bilan ishtirok etib, tomoshabinlarga unutilmas bayramona kayfiyat ulashdilar.
Mazkur konsert dasturi yurtimiz tinchligi, xalqimiz birdamligi va mustaqilligimizning bebaho neʼmatlarini ulugʻlashga xizmat qildi. Tadbir davomida shahar aholisi va mehmonlar yuksak kayfiyatda dam olib, bayram shukuhidan bahramand boʻldilar.