Toshkent shahrida bo‘lib o‘tgan Xalqaro investitsiya forumida belgilangan vazifalar ijrosi doirasida amaliy ishlar davom etmoqda.
2026-07-06 16:20:00 / Yangiliklar
Toshkent shahrida bo‘lib o‘tgan Xalqaro investitsiya forumida belgilangan vazifalar ijrosi doirasida amaliy ishlar davom etmoqda.
O‘zbekiston Respublikasi Prezidenti tomonidan berilgan topshiriqlar asosida Turkiyadan tashrif buyurgan tibbiyot yo‘nalishidagi investorlar Xonobod shahrida bo‘lib, hududning turizm salohiyati hamda istiqbolli loyihalarni amalga oshirish imkoniyatlari bilan tanishdilar.
Tashrif davomida mehmonlarga Xonobod shahrining tabiiy maskanlari, dam olish hududlari va turizmni rivojlantirish uchun qulay bo‘lgan joylar tanishtirildi. Shuningdek, tibbiy turizm yo‘nalishida istiqbolli investitsiya loyihalarini amalga oshirish yuzasidan fikr almashildi.
Mazkur tashrif Xonobod shahriga investitsiyalarni jalb etish, zamonaviy tibbiy xizmatlar va turizm infratuzilmasini rivojlantirish yo‘lidagi muhim qadamlardan biri bo‘ldi.