Xonobod shahar hokimi Elyorbek Abdurahmonovning muborak Qurbon hayiti munosabati bilan bayram tabrigi
2026-05-27 06:00:00 / Rahbariyatning bayonotlari va nutqlari
Assalomu alaykum, hurmatli yurtdoshlar va aziz Xonobodliklar!
Avvalo, Siz azizlarni muborak Qurbon hayiti bilan chin qalbimdan samimiy muborakbod etaman.
Bu ulug‘ ayyom yurtimizda mehr-oqibat, saxovat, bag‘rikenglik va insonparvarlik kabi ezgu qadriyatlarni yanada mustahkamlashga xizmat qilmoqda.
Ayniqsa, Prezidentimiz Shavkat Mirziyoyev rahnamoligida xalqimiz manfaatlarini ta’minlash, ehtiyojmand oilalarni qo‘llab-quvvatlash va inson qadrini ulug‘lash borasida keng ko‘lamli ishlar amalga oshirilmoqda.
Qurbon hayiti kunlarida yurtimizdagi tinchlik-osoyishtalik, xonadonlarimizdagi fayz-u baraka va ahillik barchamiz uchun eng katta ne’matdir.
Sizlarga mustahkam sog‘liq, oilaviy baxt-saodat, xonadonlaringizga tinchlik, qut-baraka va fayzu futuh tilayman. Qilgan ibodat va ezgu duolaringiz ijobat bo‘lsin!
Yana bir bor muborak Qurbon hayiti barchamizga muborak bo‘lsin!
Xonobod shahar hokimi,
Elyorbek Abdurahmonov