O‘zbekiston Respublikasi Prezidenti Shavkat Mirziyoyevning bitiruvchi yoshlar uchun yo‘llagan tabrigi o‘qib eshittirildi.
2026-05-25 11:00:00 / Yangiliklar
Xonobod shahridagi barcha umumta’lim maktablarida “So‘nggi qo‘ng‘iroq” tadbirlari ko‘tarinki ruhda o‘tkazildi.
Jumladan, shahrimizdagi 7 ta umumiy o‘rta ta’lim maktablarida 2025-2026-o'quv yilda 358 nafar, ixtisoslashtirilgan maktabda esa 34 nafar, jami 392 nafar bitiruvchi maktabni tamomladi.
Quvonarlisi, umumiy o‘rta ta’lim maktablari bitiruvchilarining 52 foizi, ixtisoslashtirilgan maktab bitiruvchilarining esa 90 foizi muddatidan oldin va yetarli ball to‘plagan holda oliy ta’lim muassasalariga qabul qilindi.
Shuningdek, tadbirlar davomida O‘zbekiston Respublikasi Prezidenti Shavkat Mirziyoyevning bitiruvchi yoshlar uchun yo‘llagan tabrigi o‘qib eshittirildi.
Eslatib o‘tamiz, Xonobod shahrida oliy ta’lim muassasalariga kirish imtihonlarida eng yuqori — 189 ball natijani 2 nafar bitiruvchi qo‘lga kiritdi.
Ularning ota-onalariga Xonobod shahar hokimi tomonidan esdalik sovg‘alari hamda tashakkurnomalar topshirildi.