Xiva shahar IIB boshligʻining Murojaatnomasi
2026-02-02 17:30:00 / Rahbariyatning bayonotlari va nutqlari
Assalomu alaykum yigʻilish qatnashchilari!
2026-yil 1 oyida huquqni muhofaza qiluvchi organlar va jamoat tashkilotlari bilan hamkorlikda “Obod va xavfsiz mahalla” tamoyili asosida huquqbuzarliklar profilaktikasi va jinoyatchilikni oldini olish borasida bir qator ishlar amalga oshirilib, “Xavfsiz sogʻlom yurt”, “Dolzarb 10 kunlik”, “Nazorat”, “Tun”, “Turmush” va boshqa maxsus tezkor profilaktik tadbirlari oʻtkazildi.
Mahallalarda har bir oilaga kirilib, oiladagi muhit, yashash sharoiti, muammolari oʻrganilib, bartaraf qilish choralari koʻrilib, fuqarolarimiz ongida "Mening mahallamda jinoyat sodir boʻlmasligi kerak" degan tuygʻuni shakllantirish boʻyicha aniq manzilli profilaktik tushuntirish ishlari olib borilmoqda.
Joriy yilning 1 oyi davomida shaharda 14 ta jinoyat (12) sodir etilgan boʻlib, ushbu jinoyatlarning 3 tasi (21,4 foizi) oldi olinishi lozim boʻlgan, 6 tasi (42,8 foizi) aniqlanadigan, 5 tasi (35,8 foizi) axborot texnologiyalari yordamida sodir etilgan jinoyatlarni tashkil etdi.
Oldi olinishi lozim boʻlgan jami 3(0) ta jinoyatlar sodir qilinib, -3 taga (100,0 %) oshgan. Ushbu turdagi jinoyatlar shaharda
- bezorilik 100 foizga (0/1);
- oʻlim bilan bogʻliq boʻlmagan YTH (0/2)ga koʻpaygan;
Shaxslar tomonidan jinoyatlar sodir etilmagan:
Shahardagi 20 ta mahallalardan “qizil” mahalla yoʻq, 2 tasi “sariq” va 18 tasi “yashil” toifaga kiritilgan.
Sodir etilgan jami 9 ta jinoyatlarning (AKT jinoyatlaridan tashqari) barchasi fosh etilgan.
Aloxida toifadagi shaxslar tomonidan jinoyat sodir etilishiga yoʻl qoʻilmadi. Jinoyat sodir etib qidiruvda yurgan bir nafar shaxs ushlandi.
Davlatimiz rahbari tomonidan imzolangan 2026-yil 5-yanvardagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qoʻshimcha chora-tadbirlar toʻgʻrisida” gi PQ-1-sonli, “2026-yilda respublika mahallalarida jinoyatchilikni barvaqt profilaktikasi samaradorligini yanada oshirish boʻyicha tashkiliy chora-tadbirlar toʻgʻrisida” gi PQ-2-sonli Qarorlari qabul qilinishi bizga dasturi amal boʻlib xizmat qilmoqda.
Aziz Xiva shahar aholisi!
Aziz yurtdoshlar!!!
-joriy yilning oʻtgan davrida 5 ta ahborot texnolgiyalar yordamida sodir etilgan jinoyatlarning tahlilidan kelib chiqqan xolda shahrimiz aholisiga “internet” saytlardagi firibgarlarning “oson yechim topadigan” yolgʻon vaʻdalariga aldanib qolishdan saqlanishni, shaxsga doyr va bank kartalari toʻgʻrisidagi maʻlumotlarni xech kimga bermasliklarini;
-oʻgʻirlik jinoyatlarni barvaqt oldini olish maqsadida shahardagi barcha idora, tashkilot va muassalar rahbarlarini, tadbirkorlik subektlari hamda xonadonlar egalarini Xiva shahar Qoʻriqlash boʻlimining imkoniyatlaridan foydalanib qoʻriqloviga olish, avtonom signalizatsiya bilan jihozlash, zamaonaviy videokuzatuv moslamalarini oʻratishlarini hamda mol-mulklarini qarovsiz qoldirmasliklarini;
-shaharda sodir qilingan firibgarlik jinoyatlarining aksariyati uy-joy va avtomashina olib berish, qarz oldi berdi asosida kelib chiqayotganligini inobatga olib xar bir xolatda qonuniy tartibda natarial idoralari xizmatidan foydalanishni;
-2025-yilda shaharda oʻlim bilan bogʻliq va bogʻliq boʻlmagan yoʻl transporti xodisalarni salmogʻi yuqori boʻlganligini inobatga olib barcha haydovchilarni va piyodalarni yoʻl xarakati qoidalariga qaʻtiy rioya etishga, belgilangan tezlikni meyoridan oshirmasliklarini, xujjatsiz transport vositasi boshqarmaslikga, elektroskuterlarni extiyot boʻlib boshqarishga, shuningdek spirtli ichimlik istemol qilib transport vositalarini boshqarib oʻzini va boshqalarning xayotiga xavf solmasliklarini:
-fuqarolarning ichki ishlar organlari bilan tezkor, qulay va shaffof muloqotini taʻminlash, jamoat xavfsizligini mustahkamlash hamda mavjud muammolarini raqamli shaklda hal etish maqsadida “Mahalla24” hamda “Mening inspektorim” mobil ilovalariga ulanishlarini soʻrab qolamiz.
Jinoyatchilik va huquqbuzarliklarga qarshi kurashda bir birimizga yelkadosh boʻlib harakat qilsak, har bir hudud, mahalla va oilaning tinchligi va osoyishtaligini saqlashda albatta koʻzlangan maqsadlarga erishimiz.
Murojaatim tugadi, eʻtiborlaringiz uchun katta raxmat
