Xiva shahrida yong‘in xavfsizligini ta’minlash bo‘yicha profilaktik tadbirlar olib borilmoqda
2026-01-30 17:00:00 / Yangiliklar
O‘zbekiston Respublikasi Favqulodda vaziyatlar vazirligi Xiva shahar bo‘limi tomonidan bugungi kun holatiga ko‘ra shahar hududidagi bozorlar, savdo markazlari hamda aholi gavjum maskanlarda kelib chiqishi mumkin bo‘lgan yong‘inlarning oldini olish maqsadida yong‘in xavfsizligi bo‘yicha profilaktik tadbirlar o‘tkazilmoqda.
Tadbirlar davomida savdo obyektlarida yong‘in xavfsizligi talablariga rioya etilishi holati o‘rganilib, mas’ul shaxslarga tushuntirish ishlari olib borilmoqda. Shuningdek, yong‘inga qarshi dastlabki vositalarning holati, evakuatsiya yo‘laklari va elektr tarmoqlarining xavfsizligi tekshirilmoqda.