Xiva shahar IIB boshligʼining murojaatnomasi
2025-12-30 10:50:00 / Rahbariyatning bayonotlari va nutqlari
Assalomu alaykum yig‘ilish qatnashchilari!
2025 yil 9 oyida huquqni muhofaza qiluvchi organlar va jamoat tashkilotlari bilan hamkorlikda “Obod va xavfsiz mahalla” tamoyili asosida huquqbuzarliklar profilaktikasi va jinoyatchilikni oldini olish borasida bir qator ishlar amalga oshirilib, “Xavfsiz sog‘lom yurt”, “Dolzarb 20 kunlik”, “Nazorat”, “Tun”, “Turmush” va boshqa maxsus tezkor profilaktik tadbirlari o‘tkazildi.
Mahallalarda har bir oilaga kirilib, oiladagi muhit, yashash sharoiti, muammolari o‘rganilib, bartaraf qilish choralari ko‘rilib, fuqarolarimiz ongida "Mening mahallamda jinoyat sodir bo‘lmasligi kerak" degan tuyg‘uni shakllantirish bo‘yicha aniq manzilli profilaktik tushuntirish ishlari olib borilmoqda.
Joriy yilning 12 oyi davomida shaharda 297 ta jinoyat (194) sodir etilgan bo‘lib, ushbu jinoyatlarning 55 tasi (18,5 foizi) oldi olinishi lozim bo‘lgan, 80 tasi (26,9 foizi) aniqlanadigan, 162 tasi (54,6 foizi) axborot texnologiyalari yordamida sodir etilgan jinoyatlarni tashkil etdi.
Oldi olinishi lozim bo‘lgan jami 55(58) ta jinoyatlar sodir qilinib, -3 taga (-5,2 %) kamaygan.
Ushbu turdagi jinoyatlar shaharda
- o‘rtacha og‘ir shikast yetkazish 100 foizga (1/2)ga;
- o‘n olti yoshga to‘lmagan shaxs bilan jinsiy aloqa qilish 100 foizga (0/2)ga;
- o‘lim bilan bog‘liq bo‘lgan YTH 33,3 foizga (3/4);
- o‘lim bilan bog‘liq bo‘lganmagan YTHlar 42,9 foizga (7/10) ga ko‘paygan.
- bezorilik- (3/3);
- aliment- (1/1);
- yengil shikast yetkazish -(2/2)ga teng xolatda;
- qotillik - 50,0 foizga (2/1);
- og‘ir tan jaroxati yetkazish - 100,0 foizga (1/0);
- nomusga tegish - 66,7 foizga (3/1);
- o‘g‘irlik - 28,6 foizga (14/10)
- firibgarlik - 7,1 foizga (14/13)ga ga kamaygan.
Shaxslar tomonidan sodir etilgan jinoyatlar:
- mastlar tomonidan -33,3 foizga (2/3);
- muqaddam sudlanganlar tomonidan -46,7 foizga (15/8);
- ishsizlar tomonidan -100,0 foizga (0/1);
- ayollar tomonidan -50,0 foizga (6/3);
- yoshlar tomonidan -8,3 foizga (24/22);
- voyaga yetmaganlar -28,6 foizga (7/5);
- guruhlar tomonidan -57,1 foizga (7/3);
- jamoat joylarida -33,3 foizga (3/2)ga kamaygan.
Shaharning mahalla jinoyatchigi buyicha hududida 20 ta mahallalardan “qizil” mahalla yo‘q, 7 tasi “sariq” va 13 tasi “yashil” toifaga kiritilgan
Joriy yilning 3 yanvar kuni Prezidentimizning “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son qarori ijrosi bo‘yicha shaharda jinoyatlarni barvaqt oldini olish va xavfsiz muhitni yaratishga qaratilib, barcha taalluqli idoralarning jalb qilinib tizimli ishlar olib borilmoqda.
2024 yilda sodir etilishiga yo‘l qo‘yilgan jinoyatlar tahlil qilinib, kriminogen vaziyati og‘ir 5 ta mahallalarga nomma-nom viloyat-shahar kesimida rahbarlar biriktirilib, manzilli ishlar tashkil qilinishini to‘liq ta’minlab, ularda xavfsiz muhitni yaratish bo‘yicha bor imkoniyatimizni ishga solmoqdamiz.
Mazkur qaror ijrosi bo‘yicha mahallalardagi aholi gavjum joylar va ko‘chalarga 72 dona, ko‘p qavatli uylarning hovlilariga 3 dona PTZ, mahallalarning asosiy kirish-chiqish joylariga 14 dona, savdo markazlari va bozorlarga 11 dona, maktablarning kirish-chiqish joyiga 6 dona, ochiq sport maydonlarga 6 dona PTZ kameralar o‘rnatildi.
Ko‘p qavatli uylarning eshiklariga 36 dona domofonlar o‘rnatildi, ko‘p qavatli va yakka tartibdagi xonadonlarni 220 tasi qo‘riqlash xizmati tomonidan texnik qo‘riqloviga olindi, ko‘p qavatli uylarning kirish yo‘laklari oldiga 12 ta tashvish tugmalari o‘rnatildi, savdo va maishiy xizmat ko‘rsatish ob’ektlaridan 30 tasi IIB qo‘riqlash xizmati tomonidan texnik qo‘riqloviga olindi, 14 ta “namunaviy xavfsiz ko‘cha”, 36 ta “namunaviy xavfsiz yo‘lak”lar tashkil etildi.
Huquqbuzarlik sodir etishga moyil yoki undan jabrlanish ehtimoli yuqori bo‘lgan 3384 nafar shaxslar aniqlanib, “Ye-ijtimoiy profilaktika” elektron axborot tizimiga kiritilib, 2702 nafari bo‘yicha qo‘shma xulosalar qilinishi ta’minlandi.
: Internet ijtimoiy tarmoqlarda jinoyatchilikni barvaqt oldini olish bo‘yicha targ‘ibot ishlari davomida shaharda yashovchi 18 yoshdan katta bo‘lgan 40 928 nafar mahalla aholisi, 418 nafar sog‘liqni saqlash, 2.258 nafar maktabgacha ta’lim, 1 500 nafar umumiy o‘rta ta’lim xodimlari hamda 995 ga yaqin boshqa idora tashkilot xodimlari o‘rtasida tashkil etilgan internetning “Telegram” guruhlarda, shuningdek shahardagi 8 ta LED monitor, 5 ta bank hamda 2 ta tibbiyot muassasalaridagi monitorlarda jinoyatlarni oldini olish borasidagi “videorolik” va targ‘ibot materiallari joylab borilmoqda.
Bo‘limda xizmat olib borayotgan 23 nafar profilaktika inspektorlari har xaftada o‘tkazilayotgan “Profilaktika kuni”da mahallalarda tashkil etilgan “Telegram” guruhlarda jinoyatchilikni barvaqt oldini olish bo‘yicha aholiga “videomurojaat” bilan chiqish tizimi yo‘lga qo‘yildi.
Jinoyatchilikni jilovlash va kriminogen vaziyatni barqarorlashtirish bo‘yicha bozorlarda, jamoat joylarida, ko‘ngilochar maskanlarda va istirohat bog‘larida jamoat tartibini va xavfsizligini saqlash maqsadida shaharda tun-u kun faoliyat olib boruvchi 2 ta avtopatrul va 2 ta piyoda patrul yo‘nalishlari faoliyati yo‘lga qo‘yildi.
Shuningdek, o‘g‘irlik jinoyatini barvaqt oldini olish maqsadida yashash xonadonlarini, savdo shaxobchalari va muassasa va tashkilotlarni qo‘riqlash pultiga ulash ishlari kuchaytirilib, 200 ta yakka tartibdagi xonadon, 87 ta muassasa va tashkilotlar markaziy qo‘riqlash pultiga ulanishi ta’minlandi.
Shaharda barcha mahallalarning kirish-chiqish joylariga, jamoat joylariga, davlat tashkilotlari binolarining kirish qismiga va boshqa odamlar ko‘p to‘planadigan joylarga intellektual kameralar (shaxsni yuzidan tanib oladigan va avtotransport raqamini aniqlaydigan) o‘rnatilishi va integratsiya qilish ishlari olib borilmoqda.
Bundan tashqari, O‘zbekiston Respublikasi IIVda joriy yilning 14 fevral kuni o‘tkazilgan videoselektor yig‘ilishida yoshlar masalasida berilgan topshiriqlarning ijrosi bo‘yicha shahardagi 143 nafar yoshlar “otaliq”ga olinib, shahar ichki ishlar bo‘limining 15 nafar rahbar-xodimlariga nomma-nom biriktirilib, ular bilan uchrashuvlar o‘tkazildi hamda mavjud muammolarni hal etish maqsadida yo‘l xaritasi shakllantirilib, tizimli ishlar olib borilmoqda.
Voyaga yetmaganlar o‘rtasida huquqbuzarlik va jinoyatchiligini oldini olish maqsadida “Xavfsiz bolalik” Konsepsiyasi joriy etilib, shu asosida shahari transport vositalari serqatnov harakatlanadigan yo‘llarga yaqin masofada joylashgan 25 ta maktablar atrofida yo‘l harakati xavfsizligini ta’minlash maqsadida tezlikni cheklash bo‘yicha “yo‘l belgilari” hamda “sun’iy notekslik”lar o‘rnatildi.
Shuningdek, shahardagi 25 ta umumta’lim maktablari oldidagi yo‘llarga piyodalar uchun svetoforlar o‘rnatildi.
Kelgusida shaharda jinoyatchilikni barvaqt oldini olish bo‘yicha xamkorlikda amalga oshirilishi lozim bo‘lgan ishlar yanada kuchaytirish bo‘yicha belgilandi.
- Shaharda “ijtimoiy profilaktika” tizimi doirasida huquqbuzarlik sodir etishi yoki undan jabrlanishi mumkin bo‘lgan shaxslar bo‘yicha xulosalar tuzib, mahalla yettiligi tomonidan ijobiy xal qilish choralarini ko‘rish.
- Mazkur mahallalarda nafaqat jinoyat, balki huquqbuzarliklarni sodir etgan shaxslarni ham mahallaning o‘zida muhokama qilib borish.
- Alohida e’tibor qaratilishi lozim bo‘lgan sog‘liqni saqlash muassasalarining hisobida turgan giyohvandlar, spirtli ichimliklarga ruju qo‘ygan shaxslar, notinch oilalar hamda ajrim yoqasiga kelgan oilalarni qayta o‘rganib, ularning muammolarini hal etish.
- Uyushgan jinoyatchilikka qarshi kurashish yo‘nalishida ichki ishlar bo‘limining maxsus hisobida turgan shaxslar, shu jumladan, jinoyat sodir qilinishi mumkin bo‘lgan joylarda rejali reyd tadbirlarini o‘tkazib borish.
- Fuqarolar tomonidan yashash xonadonlari, savdo do‘konlari, ko‘ngilochar maskanlarni qo‘riqlash pultlariga ulash va tashvish tugmalarini o‘rnatish afzalligini tushuntirish ishlarini jadallashtirish.