Xiva shahrida 3-dekabr – Xalqaro nogironlar kuni munosabati bilan xayriya tadbirlari o‘tkazildi
2025-12-03 13:45:00 / Yangiliklar
“Said Islom Xo‘ja” restoranida nogironligi bo‘lgan shaxslar uchun bayram dasturxoni va konsert dasturi o‘tkazildi.
Ushbu tadbir nogironligi bo‘lgan insonlarni qo‘llab-quvvatlash, ularga mehr-muruvvat va e’tibor ko‘rsatish maqsadida tashkil etilgan bo‘lib, iliq va ko‘tarinki ruhda davom etmoqda. Tadbir avvalida shahar hokimi o‘rinbosari so‘zga chiqib, ishtirokchilarni bayram bilan tabrikladi. Yig‘ilganlarga bayram sovg‘alari topshirildi. Bunday tadbirlar jamiyatda birdamlik, insonparvarlik va mehr-oqibat qadriyatlarini yanada mustahkamlashga xizmat qiladi.