“Ichan-Qala” majmuasi dunyoda yagona immersiv “aqlli” shahar-muzeyga aylanadi
2025-11-20 18:50:00 / Yangiliklar
Prezident qarorida, tarixiy “Ichan-Qala” hududida aholining turmush tarzi, savdo nuqtalari va xizmat ko‘rsatish obyektlari tarixiy muhit bilan uyg‘unlashtirilgan holda integratsiyalashgan zamonaviy raqamli ekotizim yaratiladi.
Mazkur loyiha qadimiy merosni zamonaviy texnologiyalar bilan uyg‘unlashtirib, Xivaga tashrif buyuruvchilarga yanada chuqur, jonli va interaktiv tajriba taqdim etishga qaratilgan.
Bundan tashqari, O‘zbekistonda 6,6 km uzunlikdagi yangi turistik yo‘nalish — “Samarqand merosi yo‘li” barpo etiladi. Ushbu yo‘l shahar ichidagi eng muhim tarixiy obyektlarni yagona marshrut orqali bog‘laydi va sayyohlar uchun qulay hamda boy madaniy tajriba yaratadi.