"Amir Temur" nomidagi markaziy istirohat bog‘idagi qurilish ishlari o‘rganildi
2025-10-27 10:35:00 / Yangiliklar
Xatirchi tumani hokimi Umidjon Adizov "Amir Temur" nomidagi markaziy istirohat bog‘ida amalga oshirilayotgan qurilish ishlari bilan tanishdi
O‘zbekiston Respublikasi Prezidentining 2025-yil 1-apreldagi PQ–132-son qarorida belgilangan vazifalar ijrosini ta’minlash maqsadida, Xatirchi tumani "Amir Temur" nomidagi markaziy istirohat bog‘ida keng ko‘lamli bunyodkorlik ishlari olib borilmoqda.
Loyiha doirasida bog‘ hududida musiqali favvora va zamonaviy yo‘laklar qurilmoqda. Mazkur obyektning umumiy qiymati 5,4 milliard so‘mni tashkil etadi.
Shuningdek, IT Park qurilishi ishlari ham boshlangan bo‘lib, loyiha uchun viloyat mahalliy byudjeti mablag‘lari hisobidan 2,8 milliard so‘m ajratilgan.
Mazkur loyihalarning amalga oshirilishi natijasida tuman markazida aholining hordiq chiqarishi, dam olishi va yoshlarning zamonaviy IT yo‘nalishida faoliyat olib borishi uchun qulay sharoitlar yaratiladi.
✅ Maqsad – Xatirchini yanada obod, zamonaviy va aholi uchun qulay maskanga aylantirishdir.
✍️ XATIRCHI TUMAN HOKIMLIGI AXBOROT XIZMATI