Bu manzillarda Prezidentimizning shu yil 19 maydagi tegishli Farmoni va uning ijrosiga yo‘naltirilgan qarori asosida tibbiyotni xalqimiz to‘laqonli rozi bo‘ladigan tizimga aylantirishga kirishilgan.
2025-07-14 09:00:00 / Yangiliklar
Yurtimiz bo‘ylab sog‘liqni saqlashning yangi modelini joriy qilish bo‘yicha boshlangan amaliy ishlar joylarda qizg‘in davom etmoqda. Tajriba-sinov loyihasi doirasida tanlangan hududlar soni — 15 ta.
Bu manzillarda Prezidentimizning shu yil 19 maydagi tegishli Farmoni va uning ijrosiga yo‘naltirilgan qarori asosida tibbiyotni xalqimiz to‘laqonli rozi bo‘ladigan tizimga aylantirishga kirishilgan.
SSV Matbuot xizmati ana shu yangilanishlar mohiyatini keng jamoatchilikka yetkazish maqsadida avvalgi haftalarda Samarqand shahri, Ishtixon, Gʻijduvon va Chimboy tumanlarida bo‘lib, tahliliy videomateriallar tayyorlab, e’lon qilgan edi.
Navbatdagi lokatsiya — Navoiy viloyatining olis Xatirchi tumani. Ayni paytda Matbuot xizmati jamoasi tajriba-sinov loyihasi hamda “Tibbiyotda 90 kunlik o‘zgarishlar vaqti” dasturi ijrosi, birlamchi tizimdagi islohotlar, sohani raqamlashtirish jarayoni yuzasidan tasvirga olish ishlarini olib bormoqda.
Prezidentimizning shu yil 19 maydagi tegishli Farmoni va uning ijrosiga bag‘ishlab tayyorlanayotgan videolavhalar bilan yaqin vaqtlarda tanishishingiz mumkin.