Ijtimoiy tarmoqlarda Xatirchi tumanining "Xo‘jalikobod" mahallasidagi paxta maydonlari suv taqchilligi sababli qurg‘oqchilikka uchragani hamda suv ta'minoti masalasiga mutasaddilar tomonidan yetarli e'tibor qaratilmayotgani yuzasidan tarqalgan murojaat bo‘yicha quyidagilarni ma'lum qilamiz.
Mazkur holat tegishli mas'ullar tomonidan joyiga chiqib o‘rganildi.
O‘rganishlar davomida murojaatda keltirilgan paxta maydonlariga belgilangan tartibda sug‘orish suvi yetkazib berilayotgani aniqlandi. Shu bilan birga, aholi tomorqa yerlarini sug‘orish maqsadida suv chiqarilishi natijasida ayrim vaqtlarda suv taqsimotida qisqa muddatli uzilishlar kuzatilayotgani ma'lum bo‘ldi.
Hozirda suv taqsimotini belgilangan grafik asosida tashkil etish hamda paxta maydonlarini sug‘orishning uzluksizligini ta'minlash yuzasidan tegishli choralar ko‘rilmoqda.
Xatirchi tumani hokimligi Axborot xizmat