Oila va xotin-qizlar qo‘mitasi hamda «O‘zkimyosanoat» Aksiyadorlik jamiyati o‘rtasida Memorandum imzolandi
2024-09-18 11:30:00 / Yangiliklar
Bugun bo‘lib o‘tgan uchrashuvda Oila va xotin-qizlar qo‘mitasi raisi Ozoda Parpiboyeva hamda «O‘zkimyosanoat» AJ boshqaruv raisi o‘rinbosari Akbar Qurbonovlar gender tenglikni ta’minlash, xotin-qizlarni har tomonlama qo‘llab-quvvatlash, xususan, ular uchun munosib mehnat sharoitlarini yaratish masalalarini muhokama qildi.
O.Parpiboyeva tomonidan «O‘zkimyosanoat» jamiyatining mamlakatimiz iqtisodiy-ijtimoiy hayotida - iqtisodiy rivojlanishi, yurtimiz iqtisodiyoti va xalqimizturmush sifatini oshirishdagi o‘rni, shuningdek, ayollarning har tomonlama farovonligini ta’minlayotgan islohotlar muallifi – muhtaram Prezidentimizning siyosiy irodalariga mushtarak faoliyat yuritayotgan, sohada gender tenglikni ta’minlashga, minglab ayollarimizning munosib mehnat qilishiga sharoit yaratayotgani e’tirof etildi. Markaziy apparatda faoliyat yuritayotgan 38 nafar, tarmoq tashkilot va korxonalarida turli lavozimlarda ishlayotgan 9 542 nafar xotin-qizlar uchun munosib mehnat sharoitlarini ta’minlashdagi xizmatlari uchun minnatdorlik bildirildi.
Darhaqiqat, 10 ming nafarga yaqin ayollarning ushbu tashkilotda katta kuch bo‘lib xizmat qilishi, ish o‘rinlariga ega ekani, ayollarning o‘z oilasi bag‘rida farzandlarini voyaga yetkazayotgani, rizq-nasibasini yurtimizda topayotgani bugungi global rivojlanish, iqtisodiy vaziyatlar turlicha kechayotgan dunyoda yaxshi holat, katta natija ekanini har birimiz anglab turibmiz.
A.Qurbonov tomonidan mamlakatimizda qabul qilinayotgan normativ-huquqiy hujjatlarning ayollar hayotidagi muhim ahamiyati, gender tenglikning ta’minlanishi, xotin-qizlarning davlat va jamiyat hayotidagi ishtiroki ko‘rsatkichlarini oshirish borasida amalga oshirilayotgan islohotlar, ularning amaliy natijalari, shuningdek, Oila va xotin-qizlarning bu boradagi o‘rni e’tirof etildi. Bugun imzolanayotgan Memorandumning o‘zaro hamkorlikni yangi bosqichga olib chiqish, joylarda xotin-qizlar bandligini ta’minlash, ularni har tomonlama qo‘llab-quvvatlash borasidagi ahamiyatiga alohida to‘xtaldi.
Istiqboldagi hamkorilkni tashkil qilish bo‘yicha batafsil kelishib olindi.
Hamkorlikdan asosiy maqsad - xotin-qizlarni har tomonlama qo‘llab-quvvatlash borasida olib borilayotgan davlat siyosati, islohotlarning mamlakat ayollari hayotiga amaliy ta’siri va Oila va xotin-qizlar qo‘mitasining xalqaro ayollar harakatidagi o‘rnini mustahkamlash, ishchi ayollarimiz uchun mehnat sharoitlarini yaxshilab borish, iqtisodiyot va ishlab chiqarish sohalari boshqaruvida xotin-qizlarning rolini oshirish ishlarini yangi bosqichga rolib chiqishdir.
Memorandumda nazarda tutilgan hamkorlik yo‘nalishlari:
- «O‘zbekiston - 2030» strategiyasida belgilangan vazifalarning tegishli bandlarini nafaqat Toshkent viloyatida, balki butun respublikamizda sifatli va o‘z vaqtida bajarilishini so‘zsiz va sifatli ta’minlash;
- Toshkent viloyatidagi «Ayollar daftari»da ro‘yxatda turgan 1000 nafar xotin-qizlarni ijtimoiy himoyalash va madaniy dam olishlarini ta’minlash;
- Kasanachilikni rivojlantirish doirasida «O‘zkimyosanoat» AJ tarmoq korxonalari xodimlarining oila a’zolarini pillachilik va ipakchilik yo‘nalishlarida qo‘shimcha ish bilan ta’minlash va tarmoq xodimlari oilalarining daromadini yanada oshirish;
- Aksiyadorlik jamiyatidagi oilalar va xotin-qizlarning muammolarini aniqlash va ularni hal etishga ko‘maklashish, ijtimoiy og‘ir ahvolga tushib qolgan oila va xotin-qizlarga ijtimoiy-huquqiy, psixologik yordam ko‘rsatish;
- Mehnat jamoasidagi xodimlar, biriktirilgan hududdagi oilalarning ma’naviy-axloqiy holatini o‘rganish va yaxshilash, muammolarini o‘rganish va ijobiy hal etish borasida sayyor qabullar tashkil etish;
- Iqtidorli, ilmli yosh xotin-qizlarni qo‘llab-quvvatlash maqsadida «O‘zkimyosanoat» AJ stipendiyasini joriy qilish;
- «O‘zkimyosanoat» jamiyatida faoliyat yuritayotgan xotin-qizlarni Zulfiya nomidagi davlat mukofoti, «Moʻtabar ayol», «Ibratli oila» ko‘krak nishoniga tavsiya etib borish kabi bandlarni hamkorlikda amalga oshirish.
Oila va xotin-qizlar qo‘mitasi Axborot xizmati