🚧 Yo‘l qurilishi,rekonstruksiya qilish va ta'mirlash davlat dasturlarining sifatli bajarilishi hamda Korrupsiya holatini oldini olish masalalariga bag‘ishlangan tadbir o‘tkazildi.
2026-05-16 10:00:00 / Yangiliklar
Surxondaryo viloyati DXX boshqarmasi vakili A.Isoyev va
Transport vazirligi huzuridagi Transport nazorati inspeksiyasi yo‘l-qurilish ishlarini nazorat qilish Surxondaryo viloyati hududiy bo‘limi boshlig‘I U.Xushvaqtov hamda Surxondaryo viloyati Avtomobil yo‘llari bosh boshqarmasining korrupsiyaga qarshi kurashish bo‘yicha mutaxassisi K. Polvonov tomonidan yo‘l qurilishi sohasi vakillari va pudratchi tashkilotlar ishtirokida targ‘ibot-tushuntirish tadbiri o‘tkazildi.
Tadbir davomida yo‘l qurilishida sifatni ta’minlash, amalga oshirilayotgan ishlarning belgilangan standart va me’yoriy hujjatlar asosida bajarilishi, qurilish jarayonida nazoratni kuchaytirish hamda aniqlanayotgan kamchiliklarning oldini olish masalalari muhokama qilindi.
Shuningdek, korrupsiyaga qarshi kurashish, sohaga oid qonunchilik talablariga qat’iy rioya etish, ochiqlik va shaffoflik tamoyillarini mustahkamlash, xizmat faoliyatida halollik va mas’uliyatni oshirish yuzasidan tushuntirishlar berildi.
O‘zbekiston Respublikasining “Ayrim qonun hujjatlariga transport xizmati ko‘rsatishni tashkil etish tizimini takomillashtirishga qaratilgan o‘zgartirish va qo‘shimchalar kiritish to‘g‘risida”gi 2026-yil 5-fevral kunidagi O‘RQ–1118-son Qonuni mazmun-mohiyati va ahamiyati yuzasidan tushuntirish ishlari olib borildi.
Tadbir yakunida ishtirokchilar tomonidan bildirilgan taklif va mulohazalar tinglanib, yo‘l qurilishi sohasida sifat va samaradorlikni yanada oshirish bo‘yicha tavsiyalar berildi.