Malayziya telekanallarida O‘zbekiston turizm salohiyati targ‘ib etilmoqda
2025-03-28 18:05:00 / Yangiliklar
Mazkur tashrif doirasida RTM ijodiy guruhi tomonidan Toshkent, Samarqand, Buxoro, Farg‘ona va Xorazm viloyatlarida mamlakatimizning tarixiy obidalari va ziyoratgohlari, hunarmandchiligi hamda ziyorat turizmi salohiyatiga bag‘ishlangan hujjatli filmning suratga olish ishlari amalga oshirildi.
Ramazon oyi munosabati bilan RTM teleradiokompaniyasi “Syahadah” maxsus dasturi doirasida O‘zbekistonning boy tarixiy-madaniy merosi, mamlakatimizning islom sivilizatsiyasini rivojlantirishga qo‘shgan hissasi, shuningdek dekorativ-amaliy san’at va hunarmandlikka daxldor noyob an’analarni ochib beradigan 10 qismli hujjatli filmni namoyish eta boshladi.
Ayni jarayonda xorijiy sayyohlar oqimini oshirishga yordam beradigan zamonaviy sayyohlik va transport infratuzilmasiga alohida e’tibor qaratilgan. Loyiha O‘zbekistonning Islom sivilizatsiyasi markazi sifatidagi imijini mustahkamlash, mamlakatda sayyohlik oqimini kuchaytirishga xizmat qiladi.