Soha haqida ochiq gaplashildi O‘zbekiston Respublikasi madaniyat vazirining birinchi o‘rinbosari — Kinematografiya agentligi direktori Jahongir Ahmedov kinoijodkorlar bilan ochiq muloqot o‘tkazdi.
2026-08-07 18:30:00 / Yangiliklar
Suhbat odatiy hisobotlardan yiroq bo‘ldi. O‘zbek kinosining bugungi holati, yillar davomida yig‘ilib qolgan muammolar va eng muhimi — tizimni qanday o‘zgartirish kerakligi haqida ochiq gaplashildi.
Chunki bugun kino sohasidagi eng katta muammolardan biri — eskicha ishlash tizimi.
Shunday bir tizim shakllanganki, unda asosiy natija (KPI) — yaxshi film yaratish emas, berilgan topshiriqni “yopish” bo‘lib qolgan.
Hisobot bor. Topshiriq bajarilgan. Hujjatlar rasmiylashtirilgan.
Lekin ekrandagi film tomoshabin qalbiga yetib bormasa, xalq mehrini qozonmasa — bunday natijaning qiymati nimada?
Asosiy KPI — “yopilgan” topshiriqlar emas, yaratilgan kuchli filmlar va tomoshabinning e’tirofi bo‘lishi kerak.
Shu bois endi sohadagi yondashuv ham, baholash mezonlari ham o‘zgarishi kerak.
Muloqotda islohot va rivojlanishning uch ustuvor yo‘nalishi haqida so‘z yuritildi:
🎬 xalq sog‘inib kutgan, tomoshabinni kinoteatrga qaytaradigan filmlar yaratish;
🌍 jahon kino maydonida O‘zbekiston nomini munosib namoyon etadigan, xalqaro festivallarda raqobatlasha oladigan kuchli filmlar ishlab chiqarish;
🤝 islohotlarni barcha kinoijodkorlarning tashabbusi, mas’uliyati va hamjihatligi asosida amalga oshirish.
Endilikda filmning asosiy bahosi hisobotdagi raqamlar bilan emas, tomoshabin mehri, qizg‘in muhokamalar va xalq e’tirofi bilan o‘lchanishi kerak.
O‘zbek kinosiga yangi nafas, yangi fikr va yangi sifat kerak.
Buning uchun eskicha ishlash uslubidan voz kechib, natijaga yo‘naltirilgan, ijodkorni qo‘llab-quvvatlaydigan va tomoshabin manfaatini markazga qo‘yadigan yangi kino tizimini barpo etish zarur.