Marhamat tumanida “Farz” filmi namoyishi o‘tkazildi.
2026-04-05 18:00:00 / Yangiliklar
Kecha kunning ikkinchi yarmida Andijon viloyati Marhamat tumanidagi Yoshlar kutubxonasida “Kinokarvon” loyihasi doirasida navbatdagi madaniy tadbir bo‘lib o‘tdi. Unda Kinematografiya agentligi buyurtmasi asosida suratga olingan “Farz” badiiy filmining maxsus taqdimoti tashkil etildi.
Mazkur tadbirda tuman aholisining turli qatlam vakillari, nuroniylar, kino ixlosmandlari hamda tuman hokimligi vakillari ishtirok etib, milliy kino san’atining yangi namunasi bilan yaqindan tanishish imkoniga ega bo‘ldilar.
Tadbir davomida ishtirokchilar film mazmuni, unda ilgari surilgan g‘oya va ma’naviy qadriyatlar haqida o‘z fikr-mulohazalarini bildirdilar. Shuningdek, bunday madaniy loyihalar hududlarda kino san’atiga bo‘lgan qiziqishni yanada oshirishga xizmat qilayotgani ta’kidlandi.