Namangan viloyati Uychi tumani hokimligi

Uychi tuman hokimligi tashabbusi bilan tumanda istiqomat qilayotgan aholining barcha qatlamlari o‘rtasida «Sog‘lom turmush tarzi – Yangi O‘zbekiston tayanchi» shiori ostida ommaviy marafon tashkil etildi.

Marafonda turli yoshdagi erkaklar va ayollar faol ishtirok etib, sog‘lom turmush tarzini targ‘ib qilish, jismoniy faollikni oshirish hamda aholi o‘rtasida sport madaniyatini keng yoyishga o‘z hissalarini qo‘shdilar.

Musobaqa yakuniga ko‘ra eng yaxshi natijalarni qayd etgan g‘olib va sovrindorlar tuman hokimi Muzaffar Abdullayev hamda sektor rahbarlari tomonidan samimiy tabriklanib, diplom, medal va esdalik sovg‘alari bilan taqdirlandilar.

Shu kuni erkin kurash sport turi bo‘yicha o‘tkazilgan “Prokuror kubogi” musobaqasining tuman bosqichi yakunlariga ko‘ra g‘olib va sovrindorlarini ham taqdirlash marosimi bo‘lib o‘tdi.

Tadbir unda ishtirok etgan yuzlab nuroniylar, yoshlar, xotin-qizlarga ko‘tarinki kayfiyat bag‘ishlab, sog‘lom turmush tarzini qaror toptirish yo‘lidagi muhim ommaviy sport tadbirlaridan biri bo‘ldi.