Uychi tumani G‘ayrat mahallasida joylashgan 41-maktabning sobiq bo‘sh turgan binosidan samarali foydalanish maqsadida “Jiydakapa Gold” MChJ tomonidan maktabgacha ta’lim tashkiloti va maktab tashkil etish loyihasi ishlab chiqilgan.
2026-04-08 12:20:00 / Yangiliklar
Uychi tumani G‘ayrat mahallasida joylashgan 41-maktabning sobiq bo‘sh turgan binosidan samarali foydalanish maqsadida “Jiydakapa Gold” MChJ tomonidan maktabgacha ta’lim tashkiloti va maktab tashkil etish loyihasi ishlab chiqilgan.
Tuman hokimi Muzaffar Abdullayev mazkur ob’ektda bo‘lib, amalga oshirilayotgan ishlar va loyiha bilan yaqindan tanishdi. Shuningdek, tadbirkor tomonidan bildirilgan taklif va tashabbuslar atroflicha o‘rganildi.
Qayd etilganidek, ushbu binoda kelgusida zamonaviy talablar asosida bog‘cha va maktab faoliyatini yo‘lga qo‘yish, bolajonlar va o‘quvchilar uchun qulay shart-sharoitlar yaratish ko‘zda tutilgan.
Bo‘sh turgan binolarni yangi loyihalar asosida jonlantirish — hududda ijtimoiy infratuzilmani rivojlantirish, aholiga qulaylik yaratish va kelajak avlod uchun munosib muhit barpo etishga xizmat qiladi.
