Namangan viloyati Uychi tumani hokimligi

Joriy yilda Uychi tumanida 6135 gektar maydonda g‘alla yetishtirilmoqda. Uni nest-nobud qilmay yig‘ib olish maqsadida tumanda 21 ta otryad shakllantirilib, 21 ta don o‘rish kombayni biriktirilgan. Tuman hokimi Muzaffar Abdullayev tuman markaziy MMTPda bo‘lib, bug‘doy o‘rim-yig‘imi oldidan kombaynlarning texnik holati va ta’mirlash ishlarini ko‘zdan kechirdi. Mavjud texnikalarni mavsumga soz holatga keltirish yuzasidan mas’ullarga qat’iy vazifalar yuklatildi. Ta’kidlanganidek, har bir kombaynning shayligi — hosil taqdirini belgilaydi. Mavsumga tayyorgarlikda kechikishga yo‘l qo‘ymaslik, texnikalarni to‘liq ishchi holatga keltirish bugungi kunning eng dolzarb vazifasidir. Bugungi tayyorgarlik — ertangi barakali hosilning mustahkam kafolati. 🌾✨