Ulug‘nor tumani hokimi o‘rinbosari M.Baknazarova, tuman Yoshlar ishlari bo‘limi boshlig‘i B.Ibragimov hamda tuman veterinariya bo‘limi boshlig‘i Z.Alimova boshchiligida kredit mablag‘lari hisobidan chorvachilik bilan shug‘ullanish istagida bo‘lgan yoshlar Yangiobod mahallasi hududida joylashgan “Andijon naslli mollari” chorvachilik majmuasiga olib borildi. Tanishuv davomida yoshlarga naslli qoramol va qo‘ylarni parvarishlash, chorvachilik faoliyatini yo‘lga qo‘yish hamda ushbu yo‘nalishda tadbirkorlikni rivojlantirish bo‘yicha ma’lumotlar berildi. Mazkur tashabbus yoshlarning tadbirkorlik faoliyatini qo‘llab-quvvatlash, bandligini ta’minlash va daromad manbalarini yaratishga xizmat qiladi.