DXX kubogining viloyat bosqichi g‘olibi aniqlandi kubogining-viloyat-bosqichi-golibi-aniqlandi)
2025-07-14 11:25:00 / Yangiliklar
Toshkent viloyatida mahalla yoshlari o‘rtasida an’anaviy tarzda o‘tkazilayotgan "DXX kubogi" futbol musobaqasi o‘zining qizg‘in va murosasiz kechgan final bosqichini yakunladi.
Olmaliq shahar OKMK stadionida bo‘lib o‘tgan final uchrashuvida Bekobod tumanining “Yangiovul” jamoasi va O‘rta Chirchiq tumanining “Jang‘abay” jamoasi o‘zaro bellashdi.
Aytish mumkinki, futbol uchrashuvi yuqori saviyada tashkil etilgan bo‘lib, unda muxlislar mashhur sport sharhlovchilari va estrada yulduzlarining ham chiqishlariga guvoh bo‘lishdi.
“Yangiovul” jamoasi o‘z raqibini 1:0 hisobida mag‘lub etib, DXX kubogi viloyat bosqichi g‘olibi boʻldi. Gʻolib jamoa endi respublika bosqichida viloyat sharafini himoya qiladi.
Musobaqa yakunida g‘oliblarga kubok, diplom va esdalik sovg‘alari topshirildi. Shu bilan birga, “Eng yaxshi o‘yinchi”, “Eng yaxshi darvozabon” kabi nominatsiyalar bo‘yicha futbolchilar rag‘batlantirildi.