Viloyatdagi og‘ir ijtimoiy vaziyatga tushib qolgan oilalarga uy-joy kalitlari topshirildi
2026-08-30 16:05:00 / Ijtimoiy himoya
Bugun erta tongdan Toshkent viloyati hokimi Zoyir Mirzayev boshchiligidagi viloyat faollari, nuroniylar, davlat va jamoat tashkilotlari mutasaddilari, Ijtimoiy himoya milliy agentligining Toshkent viloyati boshqarmasi vakillari hamda saxovatpesha tadbirkorlar Zangiota ziyoratgohida jam bo‘ldi.
Dastlab muazzam maskan ziyorat qilinib, jonliq so‘yildi, o‘tganlar ruhiga Qur’on tilovat qilindi.
Xabaringiz bor, O‘zbekiston Respublikasi davlat mustaqilligining 35 yilligi arafasida qiyin sharoitda yashab kelayotgan oilalarga ko‘mak ko‘rsatilib, ularning yangi xonadonli bo‘lishiga amaliy yordam berilmoqda.
Shu ezgu tashabbus doirasida viloyatdagi og‘ir ijtimoiy vaziyatga tushib qolgan bir qator oilalarga yangi uy-joylarning kalitlari tantanali ravishda topshirildi.
Yangi xonadon sohiblari uchun ushbu kun unutilmas voqeaga aylandi.
Ta’kidlash joizki, bunday xayrli ishlar faqat bayram arafasidagi tadbirlar bilan cheklanmaydi. Viloyatda ijtimoiy himoyaga muhtoj, og‘ir vaziyatga tushib qolgan oilalarni qo‘llab-quvvatlash, ularning muammolarini hal etish va munosib turmush sharoitini yaratish borasidagi ishlar izchil davom ettirilmoqda.
Zero, inson qadrini ulug‘lash, mehr va saxovat ko‘rsatish, ehtiyojmand oilalarni qo‘llab-quvvatlash kabi ezgu qadriyatlar Yangi O‘zbekistonning insonparvar siyosatida ustuvor o‘rin tutadi.