Hokimlik soati: tahlil markazida ikkinchi chorak yakunlari bo‘yicha makroiqtisodiy ko‘rsatkichlar
2026-07-01 18:40:00 / Majlislar
Toshkent viloyati hokimi Zoyir Mirzayev raisligida navbatdagi “Hokimlik soati” muhokamalari o‘tkazildi.
Unda joriy yilning birinchi yarim yilligi yakunlari bo‘yicha hududlarning ijtimoiy-iqtisodiy rivojlanish ko‘rsatkichlari hamda ustuvor vazifalar atroflicha muhokama qilindi.
Xususan, iqtisodiy tahlil asnosida sanoat, qishloq xo‘jaligi, qurilish, xizmatlar sohalari, erkin iqtisodiy zonalar faoliyatida erishilgan natijalar va mavjud kamchiliklar mas’ullarga ko‘rsatib o‘tildi.
Shuningdek, viloyatga jalb etilayotgan xorijiy investisiyalar hamda eksport ko‘rsatkichlarining ijrosi ko‘rib chiqildi. Bu borada investisiya loyihalarini o‘z vaqtida amalga oshirish, yangi ishlab chiqarish quvvatlarini ishga tushirish, eksport hajmini oshirish va mavjud imkoniyatlardan samarali foydalanish masalalariga alohida e’tibor qaratildi.
O‘zbekiston Prezidentining 2026 yil 5 maydagi tegishli qaroriga muvofiq, viloyatning 2026 yilda ijtimoiy-iqtisodiy rivojlanishini jadallashtirish hamda aholi turmush darajasini yanada yaxshilashga qaratilgan qo‘shimcha chora-tadbirlarning borishi ham muhokama qilindi.
Muhokamalar yakunida sohalar va hududlar kesimida mas’ul rahbarlarga yig‘ilishda tilga olingan kamchiliklarni qisqa muddatlarda bartaraf etish, Prezident qarorlari ijrosini so‘zsiz ta’minlash hamda viloyatning ijtimoiy-iqtisodiy, ma’naviy-ma’rifiy hayotiga doir qator masalalar yuzasidan tegishli topshiriqlar berildi.