Piskent tumanida pillachilikni rivojlantirishga qaratilgan seminar o‘tkazildi
2026-04-17 20:25:00 / Yangiliklar
Mazkur tadbirda O‘zbekiston Respublikasi Bosh vazirining o‘rinbosari, Oila va xotin-qizlar qo‘mitasi raisi Zulayho Mahkamova, viloyat va tuman hokimligi mutasaddilari, shuningdek, hududlar hokimlarining xotin-qizlar masalalari bo‘yicha o‘rinbosarlari ishtirok etdi.
Seminar davomida pillachilik sohasida Xitoy tajribasini joriy etish, qurt urug‘ini saqlash va tarqatishning zamonaviy usullari, shuningdek, aholi bilan ishlashning samarali mexanizmlari yuzasidan batafsil ma’lumotlar berildi.
Tadbirda viloyatda pillachilik yo‘nalishiga mas’ul barcha tashkilot vakillari, shu jumladan, xitoylik mutaxassislar ishtirok etib, ilg‘or tajribalar amalda namoyish etildi.
Seminardan so‘ng Zulayho Mahkamova Piskent tumanining "Mingtepa" mahallasida bo‘lib, hududdagi xonadonlarda yaratilgan shart-sharoitlar, aholining yashash va turmush tarzi bilan yaqindan tanishdi.
Mahalla yettiligi a’zolari tomonidan hududda amalga oshirilayotgan ishlar, xotin-qizlarni qo‘llab-quvvatlash, ularning bandligini ta’minlash borasida olib borilayotgan loyihalar ijrosi xonadonma-xonadon ko‘rsatib berildi.
Shuningdek, tumandagi “Krasnыy mayak” xo‘jaligida xorijlik investor tomonidan amalga oshirilayotgan zamonaviy agrar madaniyatga asoslangan dehqonchilik tajribalari bilan ham tanishildi.