“SUN’IY INTELLEKT” TEXNOLOGIYALARINI JORIY QILISH
2026-03-16 12:10:00 / Aqlli shahar
Hokim maslahatchisi lavozimini joriy qilish
Tuman (shahar)lardagi 31 nafar nomzodlar Raqamli texnologiyalar va sun’iy intellektni rivojlantirish ilmiy-tadqiqot instituti tomonidan suhbatdan o‘tkazilgan. Natijada 22 ta hokim maslahatchilari ishga qabul qilingan.
Kamchilik: Piskent tumanida maslahatchi ishdan bo‘shagan. O‘rniga yangi mutaxassis tayinlanishi zarur.
2. Viloyatdagi 7 ta shahar hokimliklari tomonidan “Aqlli shahar” tizimini joriy qilish
Viloyat hokimining bayoniga muvofiq, 7 ta shahar hokimlari Xorazm viloyatining Urganch shahridagi “Aqlli shahar” loyihasi bilan tanishgan va o‘z hududlarida ushbu tizimni joriy etishlari belgilangan.
* Nurafshon shahri: “Urganch Smart City” kompaniyasi bilan “Termo 24” modulini joriy etish bo‘yicha shartnoma imzolangan. Loyiha qiymati 170 mln so‘m, shundan 95 mln so‘mi o‘tkazib berilgan. Hozirda 26-maktabga uskunalar o‘rnatilgan.
* Ohangaron shahri: “Telecom Soft” MCHJ bilan 3 ta chorrahada “Aqlli chorraha” tizimini joriy qilish rejalashtirilgan.
* Bekobod shahri: “Uniconsoft” MCHJning “Raqamli hokimiyat” tizimini joriy qilish rejalashtirilgan.
* Yangiyo‘l shahri: “Genius Avenue” MCHJ tomonidan “Smart Building” (Bino xavfsizligi) pilot loyihasi ishlab chiqilmoqda.
Lekin: Angren, Olmaliq va Chirchiq shahar hokimliklari tomonidan tizimni joriy qilish bo‘yicha amaliy ishlar olib borilmagan. Shuningdek, Ohangaron, Bekobod va Yangiyo‘l shaharlarida hali shartnomalar tuzilmagan yoki moliyalashtirish manbasi aniqlanmagan.
3. Tuman hokimliklari tomonidan sun’iy intellekt loyihalarini ishlab chiqish
Viloyat hokimining topshirig‘iga ko‘ra, tuman hokimlari har hafta juma kuni amalga oshirilgan ishlar yuzasidan axborot kiritishi belgilangan.
* Chinoz tumani: Maktabgacha ta’lim yo‘nalishida “E-davomat” tizimi. Loyiha qiymati 15 ming AQSH dollari (180 mln so‘m). Hozirda shartnoma tuzilmagan.
* Yuqori Chirchiq tumani: “Aqlli chorraha” loyihasi (4 ta chorraha). Loyiha qiymati 120 mln so‘m. Hozirda shartnoma tuzilmagan.
* Parkent tumani: “BEK BOLA” — integratsiyalashgan aqlli turizm va xavfsizlik platformasi. Hozirda shartnoma tuzilmagan.
> Muhim: Bekobod, Bo‘ka, Bo‘stonliq, Zangiota, Quyi Chirchiq, Qibray, Oqqo‘rg‘on, Ohangaron, Piskent, Yangiyo‘l va Toshkent tumanlarida topshiriq ijrosini bajarish bo‘yicha amaliy ishlar boshlanmagan.