Toshkent vilоyati hоkimligi

Nurafshon shahridagi Yoshlar markazida O‘zbekiston Respublikasi Prezidentining 2025-yil 6-dekabrdagi tegishli farmoni bilan Toshkent viloyatidan avf etilgan shaxslarni ijtimoiy hayotga moslashtirish, jamiyatga qayta integratsiya qilish, bandligini ta’minlash hamda mavjud ijtimoiy-maishiy muammolarini hal etish maqsadida davra suhbati tashkil etildi. Tadbirda viloyati IIBB boshqarmasi mutasaddilari, Sog‘liqni saqlash, Yoshlar ishlari agentligi, Kambag‘allikni qisqartirish va bandlik boshqarmalari va boshqa hamkor tashkilotlar mas’ullari ishtirok etishdi. Mazkur tadbir davomida avf etilgan shaxslarning bandligini ta’minlash, kasb-hunarga yo‘naltirish, ijtimoiy himoyasini kuchaytirish, sog‘lig‘ini tiklash va jamiyatda munosib o‘rin egallashlariga ko‘maklashish masalalari yuzasidan aniq vazifalar belgilab olindi. Shuningdek, har bir avf etilgan shaxsga mas’ul xodimlardan murabbiylar biriktirildi. Shaxslar tibbiy ko‘rikdan o‘tkazilib, sog‘lig‘ida muammosi mavjud bo‘lgan 3 nafar shaxsga bepul tibbiy yordam ko‘rsatildi. Bundan tashqari, 46 nafar shaxs korxona va tashkilotlarga ishga joylashtirilib, ularning doimiy bandligi ta’minlandi. Fuqarolik hujjatlari mavjud bo‘lmagan 2 nafar shaxsga bepul ID-karta rasmiylashtirib berildi.