Toshkent vilоyati hоkimligi

Ma’naviyat va ma’rifat markazining viloyat bo‘limi tomonidan hamkor tashkilotlar ishtirokida  to‘y va tantanalar, marosimlarni tartibli o‘tkazishga qaratilgan targ‘ibotlar davom etmoqda. Xususan, Yangiyo‘l tumanida  oilaviy tantanalar, to‘y va marosimlarni o‘tkazishda ortiqcha isrofgarchilikka yo‘l qo‘ymaslik, tadbirlarni tartibli va maromiylik bilan tashkil etish  maqsadida to‘yxonalar egalari bilan ochiq muloqotlar o‘tkazilib, milliy urf-odatlardagi kamtarlik va oqilona sarf-xarajat madaniyatini keng yoyishga qaratilgan tushuntirishlar berilmoqda. Ushbu tashabbus doirasida O‘zbekiston Mahallalar uyushmasi, Respublika Ma’naviyat va ma’rifat markazi, "Adolat" SDP,  Kambag‘allikni qisqartirish va bandlik vazirligi, Yoshlar ishlari agentligi tuman bo‘limlari, shuningdek, imom-xatiblardan iborat guruhlar faollik ko‘rsatmoqda. Muloqotlar davomida  to‘y va oilaviy marosimlarda maromiylik — nafaqat iqtisodiy, balki ma’naviy madaniyatning muhim qismi ekanligi alohida ta’kidlandi. Yuqori Chirchiq tumanining “Navbahor” mahallasi hududida joylashgan "Shohona" to‘yxonasida isrofgarchiliklarning oldini olish, milliy qadriyatlarimizni asrab-avaylash hamda to‘y marosimlarida ixchamlikni targ‘ib etish maqsadida “To‘ymisan — to‘y bo‘ldi” shiori ostida namunali, ixcham to‘y marosimi o‘tkazildi. Tadbirda Respublika Ma’naviyat va ma’rifat markazining tuman bo‘limi xodimlari, mahalla faollari, nuroniylar va yoshlar ishtirok etishdi. Unda to‘y va marosimlarni milliy qadriyatlar ruhida, ortiqcha dabdabaga berilmasdan o‘tkazishning ahamiyati haqida fikrlar bildirildi. To‘yda isrofgarchilik nafaqat iqtisodiy, balki ma’naviy zarar keltirishi, jamiyatda soddalik va samimiyat qadri baland bo‘lishi lozimligini ta’kidlashdi,“Isrof — millat dushmani” g‘oyasi keng targ‘ib etildi.