O’zbekiston Respublikasi Qurolli kuchlari tashkil etilganligigning 32 yilligini hamda Vatan himoyachilari kunini nishonlashga tayyorgarlik ko’rish va o`tkazish chora-tadbirlarini amalga oshirish maqsadida, hududlarda bayramga bag’ishlab turli tadbirlar t
2024-01-10 13:00:00 / Yangiliklar
O’zbekiston Respublikasi Qurolli kuchlari tashkil etilganligigning 32 yilligini hamda Vatan himoyachilari kunini nishonlashga tayyorgarlik ko’rish va o`tkazish chora-tadbirlarini amalga oshirish maqsadida, hududlarda bayramga bag’ishlab turli tadbirlar tashkil etilmoqda.
Toshkent viloyatida xizmat qilayotgan muddatli harbiy xizmatchilarning ota-onalari ishtirokida “Askar onalarini sharaflaymiz” mavzusida ma’anviy-ma’rifiy tadbir onlayn uchrashuv tarzida o'tkazildi. Unda Toshkent shahar hokimining o'rinbosari — Oila va xotin-qizlar bo'limining boshlig'i Nodira Umarova, tuman hokimliklarining Oila va xotin-qizlar bo'limlarining boshliqlari, tegishli tashkilotlar mutasaddilari ham ishtirok etdi.
Uchrashuvda so’nggi yillarda Qurolli Kuchlarning harbiy-jangovar qudratini oshirish hamda ma’naviy salohiyatini yuksaltirish borasida keng ko’lamli islohotlar olib borilayotgani, Yangi O'zbekistonni barpo etishda tinchlik va osoyishtalikning ahamiyati aniq misollar orqali aytildi.
Shuningdek bu kabi uchrashuvlar mahallalarda, ta’lim va mehnat jamoalarida Vatan himoyasi va el-yurt tinchligi yo’lida fidoyi harbiylarning jonkuyarligi, vatanparvarligini e’tirof etgan holda ma’rifiy uchrshuv hamda davra suhbatlari tarzida o’tkazilmoqda.
