Toshkent shahrida 452 ta eskirgan lift yil yakuniga qadar yangilanadi
2025-02-15 11:00:00 / Yangiliklar
Toshkent shahrida 452 ta eskirgan lift yil yakuniga qadar yangilanadi
Toshkent shahar hokimining qaroriga muvofiq, 2025-yil oxirigacha ekspluatatsiya muddati o‘tgan 452 ta lift yangisiga almashtiriladi. Yangilanadigan liftlar OSTEN brendiga tegishli bo‘lib, ular “Texnopark”da ishlab chiqariladi.
Muhim:
Hozirda Toshkent shahridagi ko‘p xonadonli uy-joylarda jami 9101 ta lift mavjud.
Ulardan 2042 tasining (22,4%) foydalanish muddati o'tgan.
2025-yil oxirigacha 2042 ta eski liftning 452 tasi (22,1%) yangilanadi.
Yangi liftlar ilg‘or xavfsizlik standartlariga ega va energiya tejamkor bo‘ladi.
Yangilanadigan liftlarni tanlash mezonlari:
25 yildan ortiq xizmat qilgan;
Texnik talablarga javob bermaydigan;
Xavfsizlik darajasi past bo‘lgan liftlar ustuvor tartibda almashtiriladi.
Qarorning to'liq matni bilan ushbu havola orqali batafsil tanishishingiz mumkin.